潮濕加劇內濕容易攰 飲薏米水助袪濕
2016-02-12
呢幾日相對濕度有成100%,真係濕到「爆燈」,唔少朋友都話瞓醒都仲好攰,中醫師朋友話其實同「內濕」有關。
什麼係「濕」?濕氣有「內濕」同「外濕」兩種,「內濕」即係身體內臟濕,主要因為生活習慣,例如經常處於冷氣環境,鍾意飲凍飲,食煎炸、生冷食物形成,天氣潮濕更加劇內濕問題;至於「外濕」就主要係天氣同環境潮濕引起。
點解會「濕」?肥膩、煎炸、生冷等食物會削弱脾胃功能,而脾胃正正負責輸送水份和營養,如果水份積聚身體內,就會形成濕氣。
「濕」的症狀:當人濕氣重時會容易攰、無胃口、腹脹、腹瀉、大便稀爛等,而香港因為天氣潮濕,港人工作需要經常坐、運動少,所以仲會雙腳浮腫添。
點解決「濕」:注意飲食,少食煎炸、肥膩、生冷同甜食,濕熱的芒果、榴槤、菠蘿、酒等都要盡量少食,建議可以多食粟米,或者將5錢薏米洗淨,然後用滾水焗20分鐘飲,都有助袪濕。
頭條日報授權轉載
網上圖片
其他推介薏米水: