×

Home

 

廿四孝熱話文章打印

來自網址: http://www.ohpama.com/?p=495904

親子新聞 January 14, 2020

【危險】大仔酒店跳大牀失足撞傷鼻 張名雅:危險的不要玩,發生事後悔莫及

小朋友真係睇少一陣都唔得!前港姐冠軍張名雅日前在個人FB專頁發文分享幾個月前,2歲大仔Mario的一件驚險事,希望其他家長引以為鑑。

張名雅表示自己帶Mario去外地遊玩時,Mario一見到酒店張大牀就很興奮,仲走上去牀度跳來跳去。爸爸媽媽一見個仔跳唔停,擔心Mario有危險,多次叫停他,但兒子沒有理會,更愈跳愈起勁,終於失足撞倒了!

「就喺嗰一刻聽到一聲巨響,Mario狂哭(不是平時的哭法)我從來未聽過佢哭到咁勁,我一望埋去,佢個鼻腫到……見到咁,我眼淚都標埋出來,都唔知可以點幫佢。」

酒店急救員到場後再帶Mario入院進行消毒及凍敷,幸好沒有傷及鼻骨。「過咗咁耐鼻樑都有個小小疤痕,大家真係要注意,危險的寧願不好玩,發生咗事便後悔莫及。」