【和牛b的成長日記】迪士尼探索家度假酒店 + 一次玩盡三間酒店 + 行程超緊密

趁住和牛爸爸生日，借花敬佛氹下和牛B開心。 又訂咗「迪士尼探索家度假酒店」住返晚，講返香港迪士尼嘅職員真係好貼心。

我哋係「奇妙處處通會員」我亦知道最近有一個「生日正日禮遇」，於是當日訂房嘅時候，我都同職員了解咗個分別。 最後，職員都係建議我揀返使用金卡會員優惠(85折)仲抵玩。每次訂房，都會由最低價錢「標準客房」免費升級至豪華客房。

今次一家三口入住，加埋會員優惠折實價錢$2,000都唔洗就住到一晚。 仲可以享用晒三間酒店嘅設施，抵玩呀!! 但留意，價錢並唔包括酒店入面嘅餐飲。

如果係揸車人士，機本上入住酒店，酒店都會提供一張通行證。 只要將通行證放喺車頭當眼位置，就可以免費穿梭往來3間酒店及泊車。 而酒店Check in時間為下午3時，我哋上午就先到香港迪士尼樂園玩，玩夠再揸車過去酒店。

本篇主要介紹「迪士尼探索家度假酒店」設施及康樂活動，下篇就會重點介紹餐飲美食及香港迪士尼樂園部分新春環節。