【倫敦Mama's Adventure】聖誕前英國公立小學活動

學校經常性地辦籌款活動，有時為自己學校籌款，籌得款項都是用在學校小朋友身上；有時是為其他有需要嘅人士籌款。

我通常都好樂意去參與，之前曾為cake sale 做甜品、其他function 幫手set 場及與有需要學生進行伴讀等等……因覺得都已經不用交學費，幫得上忙便幫，始終小朋友將會在此讀七年。弟弟現在連茶點和午飯都是免費，相比以前讀學券幼稚園茶點都要二百幾元一個月，雖然我都好樂意付，因為都是同樣心態，已經不用交學費 。因為供哥哥讀私校很多年，對 「無學費」 學校會分外appreciate，甚至覺得有時現在的學校是 “too good to be true”。總括嚟講，覺得英國的公立小學真的好好。

聖誕前學校活動一：Xmas Fair

有得食、有得買、有得玩

兩個寶貝結果就買了這三個玻璃樽回來 ，1英鎊1個，名為 ‘jolly jar’ =D，小朋友真的好jolly，好開心、好好興奮和好奇地揀自己心愛嘅玻璃樽。但是邪惡嘅媽媽就說玻璃樽面是 “junk” 的東西，應該叫 “junky jar”才對。哥哥買完好搞笑，夜晚好innocent又認真地問我：「係唔係真係junk 嚟㗎？」。我說：「我覺得冇用咪係junk，你覺得鍾意嘅咪係treasure 囉。」。

其實家長之間大家都有少少無奈，互相安慰說：「It’s all for the school ⋯」，大家donate完那些玻璃樽又要拿回家。

弟弟好可愛，回家後，不停說其中一兩個小玩具是他的新BB。那個樽，kill 到弟弟一兩個鐘時間，所以都ok啦。