【米豬媽媽】飛媽媽 - 租BB車去旅行?
2020-02-18
我哋有架超巨BB車,去年寫高雄之旅大家應該都見識過,平時推出街被喻為坦克車, 好闊, 好長,好重,但好穩陣。今次本身都想照拎呢架車去,但唔係喎,我哋係去 日本 喎!! 日本出名連lift都細過人,但架車咁大, 我哋4大1細,每人1.5個喼嚟計,真係有點擠擁,所以我就決定今次租架細小小ge BB車去喇~
其實都冇特別比較過, 始終市面上租BB車ge公司都唔係多,最後懶懶的我就搵咗喺facebook search第一個彈俾我ge Babylimos問資料~
$80一日 ($2000按金)
拎車還車0個2日唔計租
價錢已包車袋同原廠雨擋
可以地鐵沿線交收
有3款車可以揀, babyzen yoyo 0+,babyzen yoyo 6+同埋gb pockit
因為推過同學仔架gb,覺得好空虛冇咩安全感, 立即ban咗, 之後就去X花搵yoyo 6+嚟試推,同埋俾米豬試坐, 吖~ 幾好推喎,起碼我可以單手轉彎, 連u turn都好順~~ 米豬又話坐得舒服, 咁就揀你啦~
喺網頁落單後第2日就有職員打來confirm detail了~~ 仲問埋我小朋友係男仔定女仔,有唔同顏色俾我揀 (咁好ge~~), 跟手約埋出發前一日(星期六)拎車。
出發前一星期遇著連續幾日和你塞同三罷, Babylimos竟然响星期2打俾我, 問我介唔介意早d拎車, 唔會計我租,咁著數ge事梗係(lur)飯應啦~~ 因為我理解和你塞同三罷啫,但係有d擔心交通狀況ge, 始終唔想阻住人哋做生意,最後約咗星期3下晝拎車~
交收ge係一直同我聯絡ge一位叔叔~ 好詳細咁講解架車點開, 點收, 同埋叫我check d配件齊唔齊,包括跟車可以包住上飛機ge袋, 同埋雨擋
原廠雨擋~~ 叔叔教埋我點用 (可惜要用嗰日我冇拎到出街……………………….”Orz)
手柄位同埋車墊有花紋套,係店舖自己另外配ga~ 要確保架車乾淨衛生, 每次出租後都會成套拆出嚟洗,勁好彩地我哋呢套係新ga~~ 而且架車都好新淨~~
check晒配件就簽咗份簡單ge租車條款, 例如壞咗要賠錢0個d基本野啦,俾埋租金+按金 $2400後,就帶咗呢架車返屋企喇~
一路推到屋企樓下先收車~~ 真心講,好細架呀~~~~~~
以我平時必須2隻手先拎得起我架摺咗ge BB車嚟講,呢架真係輕巧到哭~!
咁細架車,梗係推埋上機放overhead啦~ 一落機唔使等空姐拎車出嚟,落到地就可以開車~ 方便des~~
而且由於好輕ge關係,每次上落樓梯都由爸爸同爺爺父子同心咁搬呢隻馬騮上上落落, 係愛呀哈利~!
我架坦克車真係冇可能出現呢D畫面~
成隻米豬坐落去就係咁喇~~ 冇我想像中咁迫,但同我哋架坦克車比梗係窄小小啦~ 不過可以平躺,所以每日好準時3點零就响車瞓晏覺
而且推住行都覺得好平穩, 我哋去嵐山嗰日都行過d好多石仔ge寺廟路, 米豬都可以一覺瞓到尾~
返香港後本身係第2日(星期5)12點半還車, 點知米豬發高燒(39.8), 我哋同佢去咗醫院(之後再講),打返去同叔叔講我哋要晏D先還到車, 叔叔竟然話「小朋友唔舒服照顧咗佢先~ 架車遲D還唔緊要ga」 响我亂到喊ge情況吓聽到呢句, 真係好窩心
最後下晝睇完醫生返屋企之後,爸爸就約咗叔叔3點幾還車, 叔叔真係好好人,還完仲 佢係咁話 「你地唔使急住還俾我啦, 小朋友好番先啦,最緊要小朋友冇事, 遲D還好閒ga咋, 我又唔會收多你哋租ge,大家講個信字」。
咁好人ge叔叔, 咁好推ge車, 咁輕便ge車, 咁方便ge拎車還車方案,咁抵ge價錢, 下次去旅行絕對會再同叔叔租車~!!!
米豬大阪京都之旅
loading…..
飛媽媽 – 大阪here we go~!
飛媽媽 – 拋夫棄子shop爆Akachan
飛媽媽 – 奈良小鹿初接觸
飛媽媽 – 終於去到海遊館
飛媽媽 – 京都 – 夜楓
飛媽媽 – 錦市場+嵐山小火車
飛媽媽 – 京都鐵道博物館
米豬豬的page~ 每日都update~
歡迎各位like & follow~ 亦都歡迎大家聯絡我同米豬豬一齊試用產品或合作~