【缺德行為】食客口罩掛水龍頭「播毒 」醫生建議外出用餐5大注意事項
2020-02-18
有網友在FB討論區「中伏飲食報料區」上載照片,表示朋友經過一間壽司店時,看到一位女士把口罩掛在水喉出水處,非常不衞生,有散播細菌之疑,引起網民熱議。
這位網友圖文並茂發帖表示有朋友在一間迴轉壽司店內,看到一名女食客「就咁將個口罩掛喺出熱水嗰度附近」,甚至離座上廁所時,亦沒將掛在水龍頭上的口罩拿走。網民看到後直斥其行為自私,「有無搞錯呀!到底仲有幾多咁無衛生意識同自私嘅人呀?」、「所以現在最多都係外賣自取,不會坐下來食。」、「播毒!」、「而家咁嘅時勢,好心啲人自律吓啦!」。