【小小豬廚房】西洋菜陳腎豬骨湯
2016-02-20
西洋菜可以係話我地屋企至愛湯水之一,不過就因為唔係成日買到靚陳腎,所以煲嘅次數唔算多。早前去郊遊時,見到啲一包包嘅陳腎好似靚得嚟又幾衛生,所以就可以煲啦!
其實煲湯嘅西洋菜除左好味之外,連同陳腎、南北杏、羅漢果再加豬骨一齊煲湯係可以有清燥潤肺,同埋健脾養胃功效呀!
材料一啲都唔麻煩,只需要西洋菜一斤、豬骨約$40、陳腎(即乾鴨腎)兩個、羅漢果半個、蜜棗四粒及南北杏少少!
將陳腎浸泡過夜之後,特軟身後切片待用~
將西洋菜剪開兩段,續少續少咁慢慢清洗,然後加少許鹽浸洗30分鐘~
豬骨洗淨汆水備用~
羅漢果洗淨壓碎,南北杏及蜜棗洗淨備用~