24歲少女急求屍肺續命 男友求婚: 下世都要做夫妻
2020-02-24
^他在病床前向犖晴求婚，犖晴爸爸拍下當時畫面。阿健在facebook上載照片，承諾犖晴「約定你」。(圖片由阿健提供)
二十四歲正值芳華正茂、大好年華，然而犖晴卻在深切治療部病榻上靜候再生可能。其男友阿健上周二、犖晴心臟停臟搶救成功後翌日，在病床前向她求婚，「我比個承諾佢，會照顧佢屋企人，佢當時笑住話戒指好靚，亦都有答應，但我知道佢有猶豫，佢驚之後得番我一個，但我諗住今世做唔到夫妻，下世都要做番。」他指犖晴年幼已經有長期病患，無法過正常人般生活，經歷的痛苦比不少人多，希望她未來日子都有健康生活，跟她步入教堂。
阿健與犖晴兩年半前經朋友介紹認識，首次約會跟普通年輕人一樣，四處逛街、溜冰、食飯，但對犖晴來說一點都不容易，「佢個病令佢個人好累，而且整親好易流血不止，當日仲要行唔同地方、溜冰，後來發現原來因為係我提出，佢唔想拒絕驚我唔開心。」相識一個月，阿健向犖晴表白，她亦向他解釋自己患有再生障礙性貧血，需要長期到醫院輸血、檢查，生活十分麻煩及不便，怕影響他生活。
最教阿健感動的是，他在工廠區附近上課時，容易疲倦的犖晴會來接送他，「(工廠區)化學物質容易令佢敏感，但佢都嚟接我，為咗比驚喜我更加會跑過嚟，但佢體力只有正常人一半，嚟到差唔多暈倒。」