【一連四日玩懷舊】免費扮大老官‧大帽山蓮姐都撐 @ 新光元宵戲棚墟


今日帶SY去新光戲院, 一走出北角地鐵站, SY便說:「爸爸! 嚟E度做乜呀? 舞會嚟架? (我:去睇博物館!), 吓? 我都唔鍾意睇博物館, 咁悶」
 
因為一連四日, (2月19日~2月22日), 戲院二樓舉行《元宵戲棚懷舊墟》. 只要有「懷舊」兩字, 我一定到啦!! 
 

從前經常到北角食「13座牛雜」, 雞蛋仔, 逛春秧街市, 偏偏走入新光戲院,  今日才是第一次, 自愧有點不太香港人. 

 

可能, 印象中的新光戲院只與汪明荃, 粵曲大戲有關, 甚至小朋友時期, 我曾以為新光戲院入面就是新光酒樓. 

 

一走上二樓樓梯, SY大叫:「哎呀!點解有西遊記嘅?」我答:「應該之前西遊記係度做過…我都唔知呀, 爸爸都係第一次嚟」 

 

最近門口的攤位, 有新光舊戲票, SY:「E啲紙點玩架? (我:E啲係舊時嘅戲飛, 玩遊戲係隔離喎)」 

 

女店員知道SY想玩即說:「$5有五個銀仔,  小朋友一定有獎架,  (SY:爸爸…5個一毫子呀!哈哈), 你掟中一個就有獎」 

 

結果, SY玩了兩次, 掟中三個碗, 可以到葉師傅檔位, 揀三款懷舊小食…葉師傅:「小朋友食粟米粥吖, 好味架」 

 
 愛甜的SY又怎會揀粥, 他選了最甜的糖不甩, 甜薄罉. 我問師傅:「你幫新光手架? E啲係米你最拿手小食?」 
 

葉師傅:「我82歲喇, 一早退咗休, 係新光叫我嚟幫下手, 邊有咩拿手唔拿手, 大會叫我一個人負責5款嘢食, 梗係揀D唔駛咁多功夫架啦!!」 

 

師傅雖然退休, 但原來剛剛才由日本教授日本人點心回港, 而且每個星期二更加在工聯會教點心, 有心有力一點也不似82歲. 

 

在場可以免費借大戲新郎、新娘服拍照, SY:「博物館人呀!!」 其實是參觀者而己. 

 


熱門文章

召集親子餅印照片.展示最強DNA | 入選100強即獲精彩禮品
媽媽谷 | 免費加入Ohpama WhatsApp group獲得最新資訊 著數優惠
復活節海外玩2024|17大復活節好去處 日韓賞櫻/大阪環球影城復活節慶典限定/特色室內遊樂場
運動嘉年華 3月限定免費入場 5大運動體驗區 +近距離接觸香港運動員+免費換領紀念品
送《劇場版 角落小夥伴 奇幻的玩具工廠》電影換票證 | 展開奇幻探險之旅

送Sooper Yoo套票 | 挑戰體能+VR體驗 盡情放電
送《劇場版 角落小夥伴 奇幻的玩具工廠》電影換票證 | 展開奇幻探險之旅
送新城市廣場 x HomeSquare利是套裝 | 繩結藝術溫馨打卡賀新春
3大室內遊樂場「買一送一」暢玩2小時低至$25/位 全日適用無時段限制︱ 森林探索樂園 /躲貓貓樂園/探索家樂園
復活節好去處|iSQUARE 充氣樂園 3大吸睛玩樂區 5米闊「智脆菠蘿油迷宮」+ 4米高「 港式熱奶茶」+ 11米長巨型美食街樂園
奧海城 3,000呎吹氣尋蛋樂園 5米巨型滑梯+復活蛋波波池 每日贏取88隻 Kinder奇趣蛋
查看更多   ▸