【大仁】尖沙嘴綵燈會免費任逛@文化中心
2016-02-22
今晚扮遊客,走到尖沙嘴文化中心… SY:「哦!又係睇燈籠呀!我記得…上年睇過啦!」
我想了一回,其實應該老仁痴呆,因為我對於去年元宵前後,有沒有來過文化中心綵燈會,真的全無印象喎。
一走到西遊記 3 師徒的燈飾,SY 則大叫:「E~今年唔係猴年咩?點解係豬嘅?」
我答:「孫悟空咪馬騮囉…」SY:「我睇唔到隔離仲有吖麻」
每事問的小朋友一邊影相一邊又問:「點解要圍住晒㗎?上年都無圍住。」
其實,我也不明白,三個綵燈區,只有西遊記那部分圍了繩,其他也可以走上池邊喎。
我請 SY 幫我數一數全場有多少隻馬騮燈籠,數了 2 隻,他忽然被不停噴煙的儀器吸引得不得了…你小心跌落池呀!
玩了一回,他又繼續數馬騮… SY:「爸爸!!咁橋喎,兩邊都係 11 隻喎。」
我第一時間聯想到:「哦!因為今年 22 號就係中國情人節新十五呀」SY:「新十五可以拆利是啦…好呀!好呀!」
我以為規定 SY 新十五拆「利是」算變態…原來我聽我同事說:「我屋企習慣年廿九先拆利是㗎! (吓?講笑呀? ),因為新一年前就拆利是囉」 (真‧變_)
明天元宵正日,文化中心有歌舞、手工藝、舞龍、木偶戲、摺紙工作坊、猜燈謎…可惜我要返工,無時間再來啦。
今晚 15 度天氣,SY 在水池邊走來走去,竟然也可以跑到身水身汗,真的佩服!!
第一次正式睇幻彩咏香江的 SY:「得咁少燈咋…係米每日都有㗎?不過都好睇過牆上面睇公仔。」
這個「閃躍維港」3D光雕匯演我也是今日才第一次睇…老實說,迷離莊園好睇好多啦…SY:「我仲以為會有馬騮跳出嚟添…咁悶嘅」
無所謂啦!!免費娛樂,五顏六色,開開心心,總好過水靜鵝飛…SY:「我想返屋企睇Sunday好戲王多D」~激死!
市區元宵綵燈會
日期:2月22日(星期一)
時間:7:30pm – 10:00pm
地點:香港文化中心露天廣場
節目內容:大型民族歌舞、傳統手工藝示範、中樂合奏、舞龍、木偶戲、摺紙工作坊、燈謎競猜、綵燈展及「閃躍維港」3D光雕匯演。