【社工爸媽自家教手記】送出1-3個口罩給你所在社區的清潔工

2020-03-03


//現在無戴口罩不單止係防疫問題,某程度仲代表了一個人的尊嚴,代表自己有無經濟能力買口罩//

今日社工爸媽帶著台灣教會寄來的一些口罩、消毒濕紙巾、紙巾等,
一家人落區搵清潔工,代表教會去送俾佢哋。
公園啦、公廁門口啦、垃圾站門口都遇到,
佢哋大約3日更換一次口罩(聽到係心痛又無奈嘅),
特別在公廁門口遇到的清潔工,佢嘅工作相對更高危,
例如洗廁所過程D水會飛彈,
但都只有一個用幾日的、薄到見到塊面的口罩。
清潔工會擺張紙巾在裏面,
社工媽媽說:「你哋嘅工作又辛勞又索氣,加張紙巾會唔會更加焗?」
佢哋異口同聲話:「梗係會啦,但係都無辦法架。」
真係聽到人覺得好傷感。
清潔工不斷講多謝,基層朋友的感謝,永遠讓我們感到真誠,
從心底發出那種珍惜之情

社工媽媽說:「完全唔需要多謝,香港人應該互相幫助。」
但佢哋話好多人睇唔唔起佢哋,仲舉一個例子:
有次有個人在佢面前掉煙蒂落地,仲要講:「我唔掉垃圾落地你邊有嘢做。」

對不起,寫到這裏我必需要講一句CLS!
社工媽媽跟她說:「D人心地唔好你哋唔需要理佢哋!!!好過分!!!」

社工爸爸說:「社區無咗你哋就玩完喇,好多謝你成日都幫手清潔個社工,特別呢個公園,清潔得好好呀,我哋生活咗好多年,我個仔2歲開始嚟玩喇,真係好多謝你哋呀!」

社工媽媽說:「係呀,我哋真係好感謝你哋,幫手清潔個社區,令我哋可以好舒服喺度生活,你哋的工作真係好辛苦呀,要好好保重,俾個電話我,過一排我打俾你睇吓夠唔夠口罩,我幫手問吓教會仲有無吖。」
於是其中一位羅姨姨就留咗電話俾我。

當我們很多香港人很緊張每天數算自己家中的口罩,
原來這班前線清潔工,面對咁高危的工作,
每個月只有9000幾蚊,
卻只得到康文署每天1個薄口罩,外判公司直頭無供應!!!

現在無戴口罩不單止係防疫問題,
某程度中仲代表了一個人的尊嚴,
代表自己有無經濟能力買口罩……

各位朋友,社工爸媽呼籲大家,
多關心你社區內的弱勢社群,當你經過佢哋身邊時, 嘗試搵1次,

對方(這個數相信難度不高),
如果懂得使用天然精油的朋友,
鼓勵你加上一枝DIY噴霧 / 一枝DIY搓手液 / 一盒DIY濕紙巾……
送俾你社區的弱勢人士。
如果你覺得唔習慣咁樣做,
可以郵寄/順豐給我,
我會幫手落區派發

成個社區就會不一樣!

 

作者:社工爸媽自家教手記

其他文章:

【社工爸媽自家教手記】最快4月20日復課點算好

【社工爸媽自家教手記】疫症停課做咩好:睇書

熱門文章

方媛分享女兒功課疑揭母女「約法三章」 郭富城堅持與妻女以廣東話交流
03-07
女子帶遇車禍、終生不能自理前夫改嫁 現任丈夫分擔照顧 餵飯、幫忙洗澡無怨無悔
03-07
病房陪愛兒3日直至去世 媽媽傷心辦喪禮 突然收到兒子訊息 結局超荒謬
03-06
唔怕改壞名︱2024 香港熱門中英文名字 榜首原來係呢個名...
03-08
天瑜腸道蠕動失調 暫時只能注射葡萄糖水 爸爸歷55次電療 癌指數已回復正常水平
03-08

楊思琦11歲大女遺傳爸爸顏值運動細胞 參加武術比賽勤練習身手了得
2024-03-29
媽媽街頭穿羊水等不到救護車哀號求助 熱心男神救援幫接生脫衣包BB
2024-03-29
陳展鵬愛女小豬比5歲生日! 廿四孝爸爸大搞Party慶祝 全因囡囡9個字願望
2024-03-29
9歲男孩每年亡母生忌帶蛋糕拜祭 「想和媽媽慶祝生日」孝心感動網民
2024-03-29
黃美棋結婚丨昔日童星被搶先披露婚期 親回公司派喜帖心情靚爆
2024-03-29
國產兒童「近視神藥」阿托品開售 醫生提醒不能盲目擅使用
2024-03-29
查看更多   ▸