【 安妮媽媽二胎懷孕日記】親子教室。輕黏土食物
2020-03-04
安妮媽媽今次教Aidan用輕黏土創作不同的食物。
輕黏土我只買了白色，紅色，黃色和藍色，其他顏色可以溝出來。
輕黏土開封後可以用保鮮紙包住，再入密實袋，就可以keep耐啲。
例如: 橙色用紅色加黃色
綠色用藍色加黃色
粉紅色用紅色加白色
因為輕黏土比泥膠更黏手和柔軟，質感都有不同，要好好控制力度先可以搓出理想形狀。
對第一次接觸輕黏土的仔仔黎講都有啲難道。但佢玩得勁興奮，因為可以拉到勁長！
由佢帶領想創作甚麼食物，再適當地給與意見和制作方法，我地一同創作了壽司，蛋糕，窩夫和牛肉麵。壽司的紫菜可以用黑色色紙製作，咁就唔使掂到黑色輕黏土，創作時可以保持雙手乾淨。
完成的食物黏土乾透後仲可以當煮飯仔玩！
**壽司，窩夫和麵條模具我係12蚊店買的，又平又好用。
家長可以依據小朋友的喜愛去自訂主題呀。
材料:
紙碟，輕黏土，白膠漿，黑色色紙
————————————————-
歡迎連絡安妮媽媽：
Facebook專頁： 安妮媽媽親子日記
IG: @Annie_mama_diary | 安妮媽媽親子日記
作者﹕安妮媽媽親子日記
其他文章﹕