【和牛b的成長日記】BB成長日記︳疫症下的QE新生嬰兒黃膽 | 私家醫院跟進服務公院收費
2020-03-07
妹妹出世後第二日，喺醫院病房抽血，驗到新生嬰兒黃膽指數偏高。
醫院就唔俾妹妹同我出院，雖然醫院話黃膽指數偏高，但又話未需要去到照燈。於是就叫我哋留醫多一晚，觀察一下。明早再驗一次血，再睇妹妹嘅情況。 好啦，因為咁無需要照燈之下，兩母女又一齊住多咗一晚。
第二日，妹妹又再喺腳板底抽血驗。等數小時見埋醫生，醫生話妹妹可以出院，超級開心呀！
即刻執行李走。而姑娘都有吩咐，出院後要即刻預約健康院服務。
