【安妮媽媽親子日記】 親子教室,森林動物樂園
2020-03-24
今次安妮媽媽教Aidan用循環再用的物料 – 廁紙筒創作動物,一來可以教導佢環保的重要性,二來可以跟佢解釋平時用完的物料仲會有好多用處,可以做手工,又可以回收循環再造。
環保意識要從小培養,大人也要做好榜樣呢!
這次創作的森林動物,完成後可以玩㗎,一齊和小朋友創作一個動物樂園吧!
============================
創作過程:
由於Aidan仲細,所以我預先幫佢貼好動物的腳和尾巴。
創作前先給他看看真實的動物圖片再開始製作。
用顏料把動物上色,可以準備兩至三隻近似色一同塗,那動物的色調就會更突出,小朋友有多種顏色選擇也不會咁容易放棄。
例如:
鱷魚: 深綠,黃色,藍綠色
長頸鹿: 黃色,橙色,小小紅色
豹: 黃色,橙色
獅子: 黃色,橙色,小小啡色
由於是近似色,所以小朋友三色一齊塗,不洗筆也不怕。
創作完可以同佢一齊玩動物園的遊戲喇!
動物的表情可以家長代畫或叫小朋友創作,把頭和身體拼貼好就完成。
***家長可以按小朋友的喜好創作其他動物造型呀!
材料:
長和短的廁紙筒,色紙,剪刀
水彩,Marker,膠水,吹風機
作者﹕安妮媽媽親子日記
其他文章﹕