【學得精靈】父母必講的10句說話 有助提升小朋友記憶力、語言力、專注力同觀察力

想小朋友學得精靈，聰敏過人？就要把握小朋友腦部發育的關鍵期。在小朋友出生頭幾年，每秒就有700個新的神經連接形成；1歲時，腦部的重量已達約成年人的七成。所以，要趁早開始在幼兒階段是為小朋友打好學習及認知基礎。以下10句說話有助提升小朋友在記憶力、語言力、專注力及觀察力的發展，爸媽快快記低喇！

記憶力

記憶系統運作一般分為3個部分：接收、記憶及提取，小朋友通常對經歷過的事情特別深刻，經過五官感受存放在腦袋裏，爸媽不妨從日常生活入手，透過發問，引導小朋友從記憶中提取，藉著敘述有關情景，訓練小朋友記憶力。

1)昨天講過的故事，今天可以跟小朋友說：「可唔可以講番故事結局俾我聽呀?」喚起小朋友的記憶。

2) 一起討論故事情節時問：「為何小主角會這樣做？」小朋友經過思考，記憶會更深刻。

3) 小朋友對抽象事物難於記憶，對親身經歷印象深刻，希望小朋友記得的事情，可以給他們身體力行重複再做一次：「不如試下將故事書放回原位！」

語言力

小朋友說話能力的高低，除了天賦本能，後天訓練十分重要，爸媽可以利用提問及讚美，訓練小朋友的敍事能力，同時鼓勵多用言語表達，從而提升語言力。

4) 小朋友正在玩煮飯仔，爸媽可以問小朋友菜式名字、步驟，例如：「你煮緊咩菜式，點做到架，教我整一次吖！」藉此訓練小朋友的說話句子組織能力。

5) 平時食完飯，不妨跟小朋友講：「你最鍾意食邊味餸？點解呢？」鼓勵小朋友用語言表達個人感受。

6) 小朋友表達完個人感受之後，可以就他的說話內容給予讚賞：「你講得好詳細呀！」讓小朋友更用動力去說話。

專注力

不少爸媽都認為自己小朋友專注力不足，容易被其他東西吸引而分心，其實不同年紀的小朋友，專注力有所不同，年紀愈小專注時間愈短。想小朋友提升專注力，可嘗試跟小朋友講以下說話！

7) 想小朋友專心完成功課，可以在開始做功課前15分鐘先玩玩體能活動，「我哋一齊郁郁手腳做吓伸展運動先！」之後會發現他們做功課更用心。

8) 年紀小的小朋友，專注力有限，將要完成的事情分段式進行，每做完一小段，跟小朋友說：「我哋完成第一部分啦！可以休息十分鐘!」然後讓小朋友休息一會，有助他在下一個分段更專注。

觀察力

觀察力強的小朋友，專注力較高、做事有條理，能快速找到正確資訊，學習力較高。要培養小朋友的觀察力，可先引發他對事物的興趣，還要樂於回答小朋友任何提問。

9) 小朋友對雲有興趣的話，可以引導他去想像，例：「呢舊雲形狀令我諗起白色棉花糖！」小朋友基於好奇心下會想了解更多雲的形狀變化及構造等。

10) 對於小朋友的提問，爸媽切忌沒耐性，要細心聆聽，當小朋友問為何樹葉的形狀不同，爸媽可以說：「你見過樹葉有邊啲形狀？不如將佢畫低，我哋一齊研究！」爸媽並非每個問題要立刻給予答案，反而藉此鼓勵小朋友以眼睛探索更多可能。