【集氣】兒子再做心臟手術 爸媽感謝網民集氣 3歲小鐵漢:我會加油!
2020-05-26
今年3歲的小鐵漢患有先天性心臟病,剛出生4個月以來,已經經歷過兩次手術,今日(26/5)鐵漢將入院,準備明天再接受換人工心瓣手術,減低之後單心室循環手術風險,媽媽Doris上載兒子入院前的影片,只見小鐵漢精神翼翼,仲同自己打氣:「我會加油,快啲返屋企!」
https://www.facebook.com/ironmama/videos/286780612352246/?v=286780612352246
小鐵漢的媽媽Doris表示,囝囝今日很乖,7點多自動起牀,一家三口吃個很飽的早餐才出發,媽媽更特別買了Ironman 衫給他今天著,希望兒子和Ironman 一樣厲害!「到達醫院自己行入病房,做簡單檢查沒有哭,氣定神閒享受零食、睇戲!」
Doris表示負責兒子手術的是之前一直為小鐵漢做手術的醫生,之前3次也是他做,所以爸爸媽媽就更放心了!「醫生說,明天開胸睇情況,才決定補心瓣還是換機械瓣,最希望是可以補到的,甚麼方法都好,有方法就有希望!」
爸爸 Jayco表示,小鐵漢很乖,入醫院沒有哭,「姑娘仲送咗個玩具畀阿仔,小鐵漢玩得好開心(其實係俾病童手術前練肺嘅工具)」他希望大家集氣祝福兒子明天手術成功!
https://www.facebook.com/chishing87/videos/10157092050166674/
小鐵漢明天即將要接受換人工心瓣手術,媽媽Doris表示本身已排期進行,不過收到醫院電話一刻仍非常緊張。「醫生建議趁小鐵漢狀態好做手術,如果之後單心室手術同時攪心瓣,會提高風險,所以建議分開做,換咗之後,血氧會提高,而家得80幾,正常人係90幾。」
上星期Doris突然接到通知,兒子將於一星期後接受手術,小鐵漢得知後非常勇敢地表示不怕醫生護士,更會準備選最喜歡嘅書同玩具去醫院。Doris非常感恩,亦有感兒子真的大個仔了!