【80後媽咪】今日有乜嘢功課呀 ?

2016-03-15


K3的生活, 愈來愈忙…..
這一年嚟,唔好話我忙於自己的工作
其實,忙佢哋兩兄弟的功課,都足夠讓我寫少咗好多BLOG了

朗朗學校的功課量其實並唔多
上學期為例,一星期有兩日係兩份功課,兩日一份功課
星期五會多小小,大概五至六樣
至於細佬呢,功課都好正常,隔日一份線條功課

可能因為佢哋兩個都讀下午班吧,每日返到屋企
沖完涼,吃完飯,快則18:30….
慢起上嚟,要19:00先開始做功課
哥哥佢,其實小手肌唔算太好,寫字亦寫得慢,
做兩份功課,都足足需要一小時……
然後, K3今年,學校開始了記憶遊戲
每星期都需要默書…..
於是,每日做完功課,就要預備下星期默書…..
直到九點, 先能夠上牀休息
真心覺得,生活就好像每秒都同緊時間競賽一樣…..
每日一放學,就趕食飯,趕沖涼,趕做功課, 趕溫習,
趕住九點前做晒所有嘢,俾佢地訓覺…..


生活,讓我覺得好緊張
每日都匆匆忙忙的
最近,我發覺自己好病態
每日只要哥哥一落校巴,已經好緊張的問定
今日有乜嘢功課?中文寫乜野字?份功課多唔多字要寫架?
真的,每一日都好公式化的,問同一樣嘅問題…..
然後,開始覺得自己好似好恐怖…..
仲記得, 以前….. 哥哥落校巴…..
我會問佢,今日返學好唔好玩呀? 有冇搞笑事發生先?
然後,你一言,我一語, 笑談生活
點解,而家好似少咗關心,少咗交流
然後,每日都趕功課,趕溫習架…..

下年就小一啦…..
小一的生活,大概會變得更忙吧….
到時除咗功課,默書,還有測驗同考試
會有更多意想不到的壓力……
其實,我有點擔心…..
總覺得, 去到成績呢個位,會讓人變得好易走火入魔
可能見到佢成績差,退步咗,又會忍唔住鬧佢,或者逼迫佢
又或者,見到其他小朋友比佢叻,又會忍唔住比較….
真的覺得,作為家長,係需要好好的調節一下自己心態
凡事,應該從容一點面對……
畢竟,生活並唔單單只有功課, 唔單單只有成績的…..
小朋友嘛, 都需要關心,需要感受到愛…..
每日多一點聆聽,多一點溝通…..
我諗,自殺的新聞都會少番好多…..

 

 作者:80後媽咪遇上10後Baby

相關文章:【80後媽咪】培養孩子閱讀興趣 由父母做起
     【YY媽咪】幼兒繪本「玩得又睇得」

 

 

 

熱門文章

方媛分享女兒功課疑揭母女「約法三章」 郭富城堅持與妻女以廣東話交流
03-07
女子帶遇車禍、終生不能自理前夫改嫁 現任丈夫分擔照顧 餵飯、幫忙洗澡無怨無悔
03-07
病房陪愛兒3日直至去世 媽媽傷心辦喪禮 突然收到兒子訊息 結局超荒謬
03-06
唔怕改壞名︱2024 香港熱門中英文名字 榜首原來係呢個名...
03-08
天瑜腸道蠕動失調 暫時只能注射葡萄糖水 爸爸歷55次電療 癌指數已回復正常水平
03-08

東涌火人傷貓死│女戶主用淘寶火槍煮食洩火釀禍 二級燒傷命危
2024-03-29
復活節.多圖︱福田口岸人如潮湧 市民嫌香港景點無新意:疫情時玩厭晒
2024-03-29
楊思琦11歲大女遺傳爸爸顏值運動細胞 參加武術比賽勤練習身手了得
2024-03-29
媽媽街頭穿羊水等不到救護車哀號求助 熱心男神救援幫接生脫衣包BB
2024-03-29
陳展鵬愛女小豬比5歲生日! 廿四孝爸爸大搞Party慶祝 全因囡囡9個字願望
2024-03-29
9歲男孩每年亡母生忌帶蛋糕拜祭 「想和媽媽慶祝生日」孝心感動網民
2024-03-29
查看更多   ▸