| 日期 | 全年適用 |
今日我哋去咗一所騎術學校參觀！
我生平未入過馬場，人生第一次見到咁多馬喺我面前！
突然諗起上一次屯門遊，在輕鐵上見過有一個地方好多馬，
於是上網搵一搵，原來係一所騎術學校，又知道隔離有個中山公園，
所以短途遊一遊！我哋搭輕鐵直接去到蝴蝶站，唔駛半個鐘！
落車後沿天橋上去就會見到紅樓個指示牌
見到紅樓個牌之後沿住橋落去地面，
一落到地下就見到周圍都係荔枝樹！
真係幾大粒喎, 好想上去摘D嚟食！
不遠就會見到一個紅樓休憩處，真係得一個亭，乜都冇架！
而且多蚊到不得了，其實政府可唔可以唔好再亂駛錢，
起咗個小公園仔又乜都冇，搵鬼嚟呀？
我叫Hysan俾我影張相，佢都好合作即刻走走鏡同飛快咁離開，
影嘅時侯都要搲腳，小朋友嘅肉真係好食D。
踩住Scooter超快九秒九離開紅樓公園仔。
其實另一邊仲有個大草地，可以俾小朋友玩，
當我以為頭先個亭就係叫做紅樓，原來唔係…
再行多幾步就會見到中山公園個大牌！
原來中山公園就係叫紅樓！滴汗…一直以為係兩個唔同嘅地方。
點解呀芊你要帶埋你屋企件衫出嚟？！
同樣係有好多蚊，所以只有我同Hysan兩個男人入去。
我一路叫佢踩快D，避開D蚊！
好不幸佢已經俾蚊咬咗兩三吓，唯有快D入去到此一遊啦！
轉個彎見到有個小門（唔識講佢叫咩？框？樑？）
轉左呀！