古有木蘭代父從軍, 今日有SY代母探Miffy…復活節Miffy襲老銅.
在場有姐姐問:「小朋友你好鍾意Miffy?」, 他搖頭:「媽媽要返工, 我幫佢嚟銅鑼灣影Miffy」(咁鬼老實??)
雖然, 我不是Miffy粉, 但一望到大橙, 大黃, 大交叉的配搭, 已經開心…如果見到一大堆呢!! 興奮到彈起啦.
限定Pop-Up Store是阿太落命令一定要「掃貨」, 否則不可回家…木杯, 圍裙, 大公仔, 細公仔…蝴牒酥…只要限定就買. (好鬼重!!)
今次Miffy好好玩, 「打印仔」收集5個不同Miffy圖章的任務, 已經算是小兒科…
重點出撃當然是超攪笑, 「3D Miffy自己畫, 互動Miffy House」
SY:「我都唔鍾意畫畫…爸爸你畫啦, (我:咁不如你畫帽同眼啦), 好啦!!」
早知, 我自己一手一腳自己畫…阿囝, 你畫到Miffy對眼, 好好好可佈.
將Miffy的正面, 及背面交給工作人員, 電腦掃瞄後…登登登凳…怪物小Miffy出場啦!
SY:「哈哈哈…佢真係响度門走出嚟喎…佢要行去邊呢? 我跟住佢」
對靜態活動毫無興趣, 有得走來走去絶對「合晒合尺」
SY:「哎呀! 爸爸…原來屋企個鍾真係E家個時間嚟㗎, (我:真係喎), 我頭先睇到囉」
(唔知我哋隻Miffy可以行幾耐呢?), 工作人員答:「最多可以同時有6隻Miffy係屋企度散步, 少個6隻就行幾耐都係度」
當我們想和屋前的朋友仔合照的時侯, SY大叫:「嚟啦!! 佢哋嚟啦!! 爸爸…唔好影住先啦」
真Miffy, 及Boris出來了!! 集郵是今日的第二大任務…
SY:「快D啦…要影畀媽媽睇呀…不過點解Miffy咁高咁瘦草猛猛嘅? (我:係米好似爸爸咁, 食錯嘢肚痾呀?)」
15分鐘很快便過, 不捨得主角離開, 跟住一齊入更衣室, 死纏爛打是我的名字.
今日Boris活潑一點, Miffy看似呆了一點…天然呆絶對襯故事的性格.
臨離開Hysan Place, 當然要獎勵一下代母出商場的SY…一支Miffy頭朱古力雪糕$50
每日限賣100支…超罕, 本來我也想食, 但奈何肚皮不爭氣, 今日要忍一忍口…嗚呀!!
食完雪條, 我們走到利舞台, Miffy又騎住大象睇風景…
SY:「E隻狗好得意, 係米Miffy好朋友, 同寵物呢?」我答:「不如你今晚問下媽媽…你問我Bearbrick我就知…」
最後走到利園二期二樓影影巨型漫畫書…SY:「點解無人嘅? 又就做吊飾?」
原來逢周末, 同公眾假期才有派發, 星期日叫媽媽一齊過來再要一個啦!!
毛毛雨的下午, 又見Miffy, 又食, 又玩, 又大出血的任務終於完滿結束…Yeah!!
Miffy & Friends 地點︰Hysan Place, 利舞臺, 利園二期
日期︰3月24日至4月24日
Miffy House
開放時間: 12:00nn -10:00pm
Miffy Shop
營業時間:
11:00am – 9:00pm (逢星期日至四)
11:00am – 10:00pm(逢星期五、六及公眾假期)
