【泰國潑水節】Winnie the Pooh 都嚟濕透身 !! @ 九龍城 Songkran Festival 2016
2016-04-11
前日, 星期六, 非常擔心, 因為4月10日就是期待一年的九龍城泰國潑水節. 天文台竟然預告當日有狂風暴雨??
我對SY說:「如果大風大雨, 我哋就無得玩水啦! 唉!」 , SY:「咁…我哋新買嗰支水槍點算呀?」
我答:「咁唯有留返下年, 或者你第時沖涼, 自己玩囉」, SY:「爸爸!你唔好講笑啦」
天公造美…又或者我們掛了一整晚的晴天公仔有效, 下午真的一滴雨水也沒有…我們還遇到Winnie the Pooh 添…YEAH!! YEAH!!
連續第4年參加九龍城~潑水節, 今年一樣走到打鼓嶺道公園作熱身. 不過今年SY竟然說:「我唔想入公園玩啦, 我想過對面街, 同大人射水!!」
原來, 小朋友已經覺得公園的小朋友太兒科. 去年阿囝明明還覺得公園的小規模水戰合心水喎??
吸收了往年經驗, 今年我們全家也穿上雨衣迎戰, SY:「有雨褸好好多呀! 可以遮實塊面」, 我:「起碼唔怕濕晒身, 涷騰騰就真」
爽身粉為大家送上祝福, 第一年SY被人在臉上一塗上粉末, 即時濠哭, 今年只是有點介意, 我大讚他:「叻仔!!」
他答:「我最唔鍾意, 不過我想快快去玩水咋喎」(吓?咁都得??)
「哈哈哈」, 「哇哈哈」, 「嘩! 哎哎哈哈」, 歡笑聲聚滿整條城南路, 這亦是我最吸引我每年都來潑水節的原因.
因為全條街也充滿歡笑聲, 你一走進來, 所有不高興都可以暫停思考, 此一刻只專心與水玩遊戲.
老實說, 有雨衣也不代表可以保持乾爽, 因為四周會不時有人拉開你衣領, 整條水注入你背脊….爽啦.
城南道 近 衙前圍道 街頭是BB戰區, 全部也是小朋友級數的水戰.
往年我們只帶礦泉水樽, 結果全程陷入捱打狀態, 今年買了一支大水槍給SY, 不過, 原來注滿水後, 這位小朋友連舉起也感吃力…
所以, 他經常被人有機可乘, 也變得手無還雞之力. 慘!! 不過, 他又很享受這種被攻擊的狀況喎….真有趣.
城南道中段, 氣氛開始高漲, 女士們勁歌熱舞, 但亦有人一桶一桶水潑過來.
之後街尾就是戰狀最激烈, SY玩到內褲也濕透, 但依然大叫:「爸爸…幫我添水, 幫我添水…」
一條行車線隔開東西陣營, 我方一不斷攻向敵方, 敵方又向我們不停還擊.
小朋友友們走來走去, 愈射愈開心, 愈濕愈興奮, 左攻右, 右攻左, 霎眼原來已經玩到6點.
全身濕透的SY, 雙腳凍到不停打震, 但依然還要有目標發炮…
結果襯他射完了儲水的同時, 我便乘機向今年的潑水遊戲說:「拜拜」
有人還不願意離開….打著噴嚏也說:「我想再玩吖!!」, 今年深入最濕身陣地, 明年再帶齊裝備, 迎戰2017 Songkran Festival.
潑水巡遊路絡: 打鼓嶺道公園 –>啟德道 –> 城南道 –> 太子道西 –> 南角道 –>賈炳達道 –> 打鼓嶺道
