| 日期 | 全年適用 |
時代廣場又有得玩，今次是我的最愛，玩懷舊…本港飲食文化展覽。
展覽會有當年香港的街道面貌，看看時代廣場對出的波斯富街60年前後的對比吧！
收藏專家張先生借出他的珍藏，他說：「以前餐廳嘅火柴盒係任攞，我就廿年前買返，最貴係四喜大飯店嗰個，要過百蚊」(千金難買心頭好，超值！)
富瑤酒樓的廣告有何特別呢??? 當我再看一看地址…哎呀！原來就是今日名人飯堂「福臨門」的前身…(係咪大劉BB就食富瑤，E家就食福臨門呢？)
展覽期間，每逢周末及公眾假期，場館更加好玩，因為只要你捐$20予護苗基金，就可以即場任食三款「懷舊街頭小食」。
今日有錢師傅一家來泡製雞蛋仔，糯米糍，麥芽糖餅，龍鬚糖。
錢師傅姐姐製作糯米糍超過20年，她說：「我爸爸當年做廚，D街頭小食，我哋7姐弟妹全部跟佢學㗎」
搓揉拉扯看似十分好玩，大家姐說：「最緊要糯米好，花生炒得靚…(我都想學做呀！得唔得？)，無問題，好簡單嘅啫」
自己糯米糍，自己拉，暖笠笠，平日也不覺得如此好味道，今日親手造…份外驚為天人的好食。(大家姐批准我跟她搵食…發達啦…我搵到Part Time喇)
其實，去年聖誕節我們在另一個商場，也親眼見証過錢師傅的龍鬚糖秘技，今日再看，依然神乎其技。
不過，上次玩過龍鬚糖，今次我要轉戰雞蛋仔…錢師傅：「最重要係個蛋漿，份量要試到最好，咁你個雞蛋仔先好食…」(如果師傅教埋我溝蛋漿就好喇)
與其說我今日造雞蛋仔，倒不如說我只是將蛋漿注入模具內…真的幼稚園BB都做得到…(只要唔好倒太多…滿漏實畀人鬧)
2分鐘的等待，怎也想不到，我竟然可以烘得出一底外脆內暖的雞蛋仔喎…雖然周圍不平均，但連師傅也說：「嘩！無得頂….90分！」
多謝師傅冧得我好高興，我很想即場鍚你一啖。
「香港飲食文化」展覽
日期: 2016年4月28日至6月5日
地點: 時代廣場 露天廣場
「香港街頭小食檔」:
凡於周六、日及假日下午2時至7時, 於時代廣場捐$20予護苗基金，即可於展場內任食三款小食. 數量有限, 送完即止.
日期
30/4, 1/5, 2/5 : 雞蛋仔, 糯米糍, 麥芽糖餅, 龍鬚糖
7/5, 8/5 : 砵仔糕, 糯米糍, 白糖糕, 芝麻卷
14/5, 15/5 : 蛋撻, 菠蘿包, 叮叮糖
21/5, 22/5 : 砵仔糕, 糯米糍, 白糖糕, 芝麻卷
28/5, 29/5 : 蛋撻, 菠蘿包, 叮叮糖
4/6, 5/6: 雞蛋仔, 糯米糍, 麥芽糖餅, 龍鬚糖
作者：大仁生活