日期 | 全年適用 |
經常聽不少家長說,有時間的話,真想帶子女去郊遊,親親大自然……有時想像和現實,未必一致。 周日前往本地農場遊玩,全場擠滿家庭客,幾乎每到之處都可聽到家長的埋怨聲!「嘩,乜咁多蚊㗎,玩一陣好走啦!」、「有冇搞錯呀,坐住張麻布就咁滑落去?好危險喎,有冇諗過小朋友安全問題㗎?」、「牛污糟,豬又臭,隻大龜又唔郁,咩農場嚟㗎?」、「等等等等……鋪張紙先坐啦,你睇嚿木頭幾污糟,不如入去坐膠椅啦,做乜要出嚟曬(太陽)啫?」……
一個媽媽,大汗淋漓在排隊,輪候玩坐在大膠桶內高速滑下山坡的遊戲,玩的當然不是她,而是正在樹蔭下玩iPad的兒子。快輪到她了,趕緊大喊兒子走上石級準備,「快啲啦,快啲啦,輪到你啦!」兒子心急跣一跣,但他手快按石級,有驚無險繼續走,媽媽又喊:「慢慢啦,唔好急!」究竟要他快,抑或慢?好了,到他玩了,打慣機的兒子往山坡下看了一看,驚驚,「媽,我唔玩了。」轉身就走,無奈的媽媽跟在場職員講:「這類遊戲太危險了,點解要咁斜,嚇親小朋友嘛!」
大自然是一定有蚊的,它不是兒童讀物內的插畫,絕對清潔且無味;遊戲設施多數是訓練孩子勇氣,不敢玩不是罪,亦不代表小朋友比別人差!
大家親親大自然前,先要了解和接受大自然。
作者:迪奇
獲星島日報授權轉載