×

Home

 

廿四孝熱話文章打印

來自網址: http://www.ohpama.com/?p=74552

May 31, 2016

【親手造馬卡龍好食D】親子工作坊‧ 每個月有得玩 @ Paul Lafayet

老老實實, 我十分怕馬卡龍的甜, 不過, 原來自己親手造, 又另作別論喎. (正如D人話, 自己生個囝, 梗係覺得佢全世界最可愛架啦)
 
 
早前我跟SY:「星期六我哋去屯門做Macaron, 不過你上次話要坐成個鐘頭車, 暈車浪, 咁仲去唔去?, 忽然興奮的阿囝:「馬卡龍? 梗係去啦, 最多我係巴士上面瞓覺我最鍾意食馬卡龍」
 

 
一個煮食零經驗的仁, 其實沒有留意法國大廚Clement講解成份, 只知道「可以開以做皮啦!!Yeah!! 有得玩, !!
 
 
Clement用非常純熟手勢, 做了一個米奇老鼠皮, 之後說:「你哋都可以試下唔同形狀嘅皮喎」我猶豫:「乜唔係圓形先合得埋咩?
 
 
阿囝一邊將粉醬左轉右轉, 一邊說:「圓形好難吱喎, 我想吱1,2,3,4, 易啲!」我見有同學拉了英文名字, 心諗:「真係做到Macaron咁就不得了, Like仲唔爆?!
  

 

結果…原來剛才的外皮只是給我們玩玩來, Clement一早已經為我們準備了工工整整的馬卡龍外皮…(有少少失望, 我仲以為真係可以有英文名馬卡龍呃Like)
 
 
今次的馬卡龍夾層是紅莓白朱古力, 其實我不知阿囝原來如此愛煮食, 他說:「老師話要吱小D, 哎呀!好難架, 一吱就出晒界, 點算!點算呀」
 
 
結果, 大廚即時救駕, 神之手勢果然不同, 之後SY又扮Clement輕輕力將上下馬卡龍結合, 我問:「你駛乜咁優雅? 大大力結合吖麻」
 
 
SY:「老師話要細細力, 如果唔係好似媽媽咁整凹晒就死啦」
 
 
之後可以寫字, 畫公仔為Macaron裝飾, 我畫了一隻毛布甸狗, 旁邊的小朋友問:「叔叔你畫隻狗呀? 我又想畫」結果他很高興跟我齊齊畫了一隻狗卡龍
 
 
進食前小朋友好直接:「點解隔離組嗰盤有二十幾粒, 我哋只可以得9粒嘅?(好尷尬!因為佢哋一家人做一盤, 我哋兩家人做一盤, 我都唔識解釋)
 
 
最直接就答:「不如我哋即刻試食好唔好?」店員哥哥更好好人:「嗱! 我畀一粒雪好凍D嘅畀你試, 你睇下即場做, 無雪嘅分別, 好唔好?(有得食, 佢點會話唔好吖)
 
 
SY:「真係要雪先好食好多!」 原來雪凍一晚後會更脆, 而且不知是親手造, 還是今次選材, 竟然較從前的更易入口, 可能Paul Lafayet好食D
 
 
SY:「爸爸, 唔好食啦, 攞返屋企雪凍先食啦真係唔同D架喎」
 
【馬卡龍工作坊】
時間: 每月第三個星期六
參加方法:於屯門市廣場Paul Lafayet消費滿$350, 就可以用$150參加工作坊(原價$600).攜同親朋好友出席, 每位另收$300.
地點:屯門市廣場Paul Lafayet專門店

大仁生活facebook