【章文彬】英國寄宿教育真係得！

一直相信餐飲致勝之道乃重視細節，英國帝國學院畢業生Leo Ng 深明此道，有本事找來法國學藝兼做過米記三星餐廳的日本廚師Ozawa Ryogo 擔任大廚，開設LeReve，以日本廚師操守，法國細緻廚藝，英式思維管理，開創「碧海與陸地」和諧食譜，絶對驚喜，蓋單價與食材不符，抵到呢…….！早知唔去Xxx，Yyy，Zzz。

用日本杉木做show plate，富士山溶岩石托住牛油，Hoba 葉擺設，然後頭盤因唔識講照抄Akashidai (Hyogo)蛋泡之類，之後來個墨魚汁配法暑凍湯、北海道凡立貝上鋪海膽、山口市甘鰾上加脆魚鱗配法式殼類海鲜汁、法國藍龍蝦配龍蝦頭殼煮20小時成汁上加日式可樂餅korokke，再來法國血鴨和鹿兒島A5和牛……..多且細緻，仲加埋三款甜，講唔晒！看官睇咗咁耐，以為埋單要三千幾，點知千三銀，今時今日，食餐似様少許的，幾難有呢個價。

最後浄想提英國讀完書返來的年輕輩不簡單，乜都敢試，富冒險精神，人脈網絡國際化，性情謙厚，待人接物彬彬有禮，成個英式教育氛圍造就了今日的Leo個案，原來他完成中二後到英國升讀Wycliffe College ，此校並非如皇室成員讀嘅Eton College、也非麥明詩讀嘅Wellington College般的級數學校，只是普通一般的英式傳統寄宿學校而已，但完成中學後也能考入名牌Imperial College，之後……不贅，總之想要講英國寄宿教育真係好得！

作者：章文彬

其他文章:【章文彬】Mount Kelly College
　　　 　【章文彬】赴奧地利學酒店管理