【星戰嚟啦!!】瘋狂同Captain Phasma玩遊戲 ‧ 仲任你DIY激光劍 @ 迪士尼
6月大件事!! 因為「星球大戰」正式入侵「明日世界」,我一早被SY問我:「幾時可以帶我入迪士尼見R2-D2呀?」
6月11日, Captain Phasma, Chewbaca, R2-D2會先行上陣, 分別掌權「飛越太空山」 及「星球大戰:指揮站」。
SY:「我都唔敢玩過山車…我好驚, 爸爸你自己玩啦!」(我都驚喎阿囝, 唔知可唔可以齋入個指揮站影相就算呢?)
不過,到時SY一定會好開心,因為樂園新設一個激光劍DIY工作坊…聞說可以嘗試組裝正,邪 Lightsabers, 玩完合心水先付款喎…
嘩! 如果可以任砌,發達啦! 齋砌已經過癮到爆!好想快快有得玩呀!(我好驚到時受唔住誘惑喎!)
絕地武士學堂則要6月25日才會開學, 4至12歲的「小武士」可以隨時進行特訓, 之後就用一身好武功,對付黑武士啦!
今日,Captain Phasma帶同兩位白兵到場進行揭幕,同場有60位真‧星戰迷…小豬媽問:「你都係星戰迷啦…」(哎呀!! 幼稚園級數, 點可以同大學級專家比呢….流晒汗)
食物方面,今日一口氣將所有角色食物「晒冷」….嘩!! 超好味就X-WING底的小蛋糕… 還有尤達大師曲奇, 尤達大師檸檬特飲…
今日33度…尤達大師幫我徹底降溫,正呀!!
難得今日, 白兵有Captain Phasma看管, 2位全情收心養性…跟平日在明日世界囂張難馴的態度平若兩人。 (聽聽話話咪好囉)
上次慘被白兵踩了一腳的SY:「白兵好曳, 真係會乖…爸爸!你講大話」(唔信?你月尾同我一齊入明日世界CHK CHK佢囉)
大仁生活facebook