【Saron】怪獸媽媽最怪獸的是。。。
2016-06-22
六點食晚飯,七點游水,八點半訓覺。
呢種生活係香港應該叫堅離地?
今日大家都鬧爆「贏在子宮裡」,其實係港媽變態定香港社會變態?在外國六點食晚飯是常識,在香港八點放工返到屋企已經好感恩,大金毛話十歲前都係八點半就bed time,香港小朋友應該八點半仲做緊功課。
我感恩自己算是易受孕,兩胎都是一擊即中,但身邊有朋友跟我同齡卻嘗試了好幾年都未有結果,所以我從來不覺得可以順利懷孕是理所當然的一件事。能夠健康懷孕和生產已經是天大的禮物,遑論要計好年頭出世?所以柔謹和小bb都是在無計算下成為了天蠍和人馬座的孩子啊。
其實見到網上反應大都是好事,至少大家都覺得有問題。雖然片中怪獸媽媽話自己都是跟稿讀,用自己來做反面教材,但就算收咗電視台幾多錢都好又或者再偉大要醜化自己做怪獸家長來反映現實,我都接受唔到有個媽媽會願意對著鏡頭面對全香港觀眾講「我個仔成個番薯,好似阿旺咁!」,呢句說話出自一個媽媽的口仲難聽過粗口…
想更了解我們韋奇一家的話,就來到我們的FACEBOOK PAGE「一三年夏天,嫁了去加拿大」
作者:Saron
相關文章:【Saron】再次成為媽媽