曾經喺香港非常流行嘅《太鼓之達人》街機，陪伴住唔少80、90後年青人成長。可惜依家機舖已經愈來愈少，有時候想搵個地方打吓機，放鬆一下，已經唔係一件容易嘅事。
各位爸媽如果想懷緬一下過去曾經喺機舖度過嘅青蔥歲月，依家有機會啦，因為東港城將於7月9日至8月31日，舉行《太鼓之達人》運動會，除咗有多款最新嘅街機之外，仲有15隻1:1嘅3D《太鼓之達人》公仔同大家見面，一於帶埋孩子去玩，等佢哋認識一下爸爸媽媽的青春回憶啦！
現場仲有多項以運動為主題嘅玩樂裝置，例如單車、跳彈牀、體操、足球、籃球、保齡球等，等孩子打完太鼓可以好好放電一番！
東港城 x 太鼓之達人運動會
日期：2016年7月9日至8月31日
開放時間：10:00-22:00