日日三十多度高溫，除咗留喺冷氣地方唞暑外，玩水亦係一個唔錯嘅消暑選擇。位於小欖嘅燒烤樂園，聽落熱騰騰，但最近都搞水上樂園，讓你邊BBQ邊消暑，認真周到。而且趁住小朋友放暑假，又可以給他們盡情放電，絕對係啱晒一家大細嘅親子好去處。
園內共有10個玩水裝置，浸住水嚟玩，邊使怕中暑！
水戰區讓你徹底濕身。
滑水賽道可比賽邊個肚dum滑得最快。
水上樂園設有多條滑水梯、滑水賽道及大水池，就算係年紀較細嘅小朋友都可以嬉水消暑；如果人多嘅話，仲可以走入水槍迷宮同水彈戰場，來個激鬥水戰，瘋狂玩水。樂園內設有沖身區、更衣室同儲物櫃，非常方便。
水上玩大圓膠筒，好考小朋友平衡力。
大水池內有多個充氣裝置。
3個充氣水池，水深約70cm。
下頁: 小欖燒烤樂園