【張慧敏】放榜的徬徨
2016-07-13
「Son媽我好驚，我真係好羨慕你兩個仔女有你咁樣嘅媽媽， DSE放榜我知道我炒硬粉，我其實準備好出嚟搵工做，但係我阿爸阿媽死都要我繼續讀。其實我真係好煩，講極佢哋都唔聽，成日話我唔讀書乜嘢前途都唔會有。但係讀完大學就肯定有前途咩？我最憎佢攞我同其他人比，邊個邊個讀書叻係佢哋嘅事關我乜嘢事？我打機夠叻啦我運動夠叻啦又唔見佢哋講？由細到大都從來冇讚過我！我知道佢哋實要我重讀或者夾硬報讀嗰啲乜嘢銜接課程，我點都唔會就範，但係我可以點樣同佢哋講令佢哋明白，我大個仔架啦，我識得諗架啦，有手有腳我點都唔會餓得死。我做好最壞打算，如果佢哋講極都唔聽，又要迫我，繼續咁樣家嘈屋閉，我最多離家出走以後都唔返去！」
你叫得我Son媽，我就叫你一聲阿仔，當你仔咁教！我真心相信你在為其他很多有相同遭遇的同學仔發聲，很欣慰你願意和我傾訴，努力尋求和父母溝通破冰的方法。
我是一個媽媽，我明白父母望子成龍心切的心情，雖然對你父母的做法我是不認同，但希望你能夠理解他們所做的一切，無非都是出於真愛，想你好。我相信你和父母的關係一直都很僵持，父母對你的壓迫的確很難受，但我相信你對他們的態度亦好不到哪裏去。無論如何，我只希望你聽我講一次，就當是給你自己和給父母的一個機會，平心靜氣坐下來講清楚你的心事。
你真心懇求他們給你半年時間，用你的行動，努力證明你的自立能力，順便發掘興趣為自己未來尋求出路。今時今日要讀書甚麼時候都可以，對不對？你應該知道大T的成長故事吧？拿出來和父母分享一下，告訴他們，只要找到興趣目標所在，讀不讀大學跟以後會不會成功，根本完全沒有關係。
若然有需要，我願意幫忙，隨時和我聯絡。為你打打氣，Son媽非常欣賞你，因為你有志氣，有志氣，事竟成！
各位讀者如果遇到一切跟親子有關的問題，歡迎電郵至forum@careerdoctor.hk，我會按緊急情況及收到的先後次序作答。
作者：張慧敏
（文章逢星期三刊登）
網上圖片