一年容易又荔園, (D時間有冇過得咁快, 霎吓眼又一年), 去年荔園回歸於中環海濱, 免費入場. 大家應該都有去過啦…熱辣辣!!
今年, 終於拜拜高溫, 有一個冷氣的荔園啦!! 但享受就要付出代價, 遠少少去到機場博覽館, 及分擔少少入場費啦!! (※票價文章尾段)
SY:「荔園有咩玩架?」因為去年我沒有帶他去過, 所以囝很奇怪的問我…我答:「有得玩彈床架…(SY:真架? 好嘢!!)」
充氣大暴走 (6個代幣) ~ 中童最愛
所以, 我們首選便去了場地最後方的大型充氣裝置…正當SY衝上前之際, 工作人員說:「小朋友你唔夠130CM, 唔好意思, 你唔可以玩喎」
小朋友應該很喜歡, 不過要等明年他才夠高玩呢!!
※大暴走內有免費Locker, 但只限參與大暴走人士使用, 離開一定要取回物件.
身高:130CM或以上
吸引度: ★★★
吸蕉大笨象( 1個代幣=2條蕉) ~入屋叫人, 入廟拜神, 5蚊餵餵象
上年的機械天奴, 我們又見面啦…地鐵票價年年加, 不過餵天奴食蕉所需代幣, 則與上年一樣. 好嘢!! 無加價
拋了4條蕉也落空的SY:「咁高好難掟, 爸爸…我想玩嗰邊隻恐龍呀!」
吸引度: ★★
Dino Dum Dum ( 3個代幣, 陪同人士1個代幣)~大人應該無乜興趣
細膽人上年最愛玩的就是Dino恐龍瀡滑梯, (雖然貴D), 但今年竟然「一代新奴換Dino」….點解變咗充氣彈彈床呢?
我一心想再瀡恐龍尾巴喎….SY:「爸爸!!彈床都好玩呀! 裡面仲有個波可以任打添」(大人同小朋友嘅口味, 真係唔同喎)
身高:90CM~110CM須由成人陪同
吸引度: ★★
下頁: 妖怪手錶及碰碰車
