【長榮Kitty機】換新裝 送兒童玩具包
2016-07-16
長榮航空的Hello Kitty彩繪機一直都廣受歡迎，今個暑假航空公司推出全新設計的Hello Kitty夏季機上服務用品，以大海的藍色為主題，搭配時令水果的圖案，讓旅客「萌」透心。即日起至8月底，於台灣出發的所有航班上，小朋友更可以獲贈Hello Kitty兒童包，又靚又有得玩，包保乖乖坐好！
新設計的Hello Kitty夏季機上服務用品，包括頭墊紙、枕頭套、杯墊、餐具，仲有可以畀大家拎返屋企嘅啤牌等等。不過…留意返，自2015年12月26日起，台北(桃園)香港航線已經再冇Hello Kitty彩繪機。想用到以下用品，或者可能要等搭長途機去台北轉機的機會。
不過爸媽和小朋友不用失望，凡於暑假期間，搭乘台灣出發之航班的小朋友，即可在機上獲得一份Hello Kitty彩繪機暑期兒童玩具包，背包內裝有Hello Kitty彩繪機造型扇、星空彩繪主題機拼圖與貼畫本，童趣十足。
長榮航空圖片