| 日期 | 全年適用 |
好開心好開心好開心！
要講三次！因為真係好好玩！
Hong Kong Gold Coast Hotel 香港黃金海岸酒店今次比到我地好多驚喜，由於好full，安排唔到主題房開頭都有少許失望，但酒店真係安排左好多好多節目，所以都無咩時間係房，只係出去玩所有遊戲已經好開心！不過，不得不提，間房既view真的無敵，連平日唔點影相既大金毛都即刻拿手機影低send比99睇！
雖然謹子未夠三歲，好幾個water games都未玩到，但佢地個water park同pool slides都成為左今次的highlight，我地從未見過謹子玩水玩得咁開心咁盡興！Water park真的好適合小朋友黎，就算細過謹子的小baby都個個玩到好興奮，大個點的就更加開心！謹子勁勇敢，兜頭比水淋都笑到哈哈聲，我地都好suprise 佢咁大膽咁enjoy ! 睇住佢玩得咁開心真的十分十分滿足！
時間岩岩好，玩完水，沖個涼就去食Dinner Buffet！
知道酒店剛剛轉了主題buffet，巴西奧運主題，好好氣氛，仲好好食，we have to say 係呢年我地食咁多間自助餐最正既一餐，真心超like ！一來我唔食得生野凍野，好多時避過所有刺身和冷盤海鮮，我已經好sad，因為其他熱盤好多時都唔太吸引，但今晚我完全無呢種感覺，因為主題是巴西燒烤，實在太香太多選擇，即場燒原隻乳豬 、燒虎蝦、燒羊架、燒菠蘿… 仲有原隻軟腳蟹、即炸天婦羅、印度薄餅… 而以上我所講的都不是廚房整好拿出來，而是戶外即場燒！
再加上live band唱歌彈琴結他助興，係一個好正好正既巴西晚餐party，謹子同爸爸仲係台前跳左好幾part舞，開心到不得了！食飯有好食物，仲有咁好既氣氛，呢餐值所有門票價！！
仲唔止，食完晚餐仲有個Live Theatre ，酒店好有心思找了劇團做了一個一小時海盜主題劇場比大人細路做晚上節目，真心欣賞！謹子雖然仲細有少少驚，但最後都好開心上台同主角們影相high five !真的幾好笑的小劇場，見到心思，好多大少少既小朋友超enjoy，個個笑到哈哈聲！
今次酒店experience 過得特別開心，我地一家一定會再返黎！期待下個主題，因為黃金海岸酒店在主題構思和鋪排都做得非常好，心思和細心令我們十分欣賞！趁暑假帶小朋友去參加黃金海岸海盜夏日大冒險的假期啦，d房好似好full，大家都快d去報名啦！
作者：Saron
