【傻夫婦】九州親子之旅 DAY 1 【HK EXPRESS 初體驗/ SOLARIA NISHITETSU HOTEL/ ひょうたんの回転寿司】

2016-07-19

2016年7月10日 (星期日)

一年一度的暑假旅行，今次的目的地是我和阿旺都去沒有去過的【九州】，好多朋友推介話好適合小朋友玩，果然真是玩到我得返『半條人命』。哈哈，去 6日踩了 2日單車，玩了 1次水，日日都差不多 8-9:00 起身，玩到 11:00 先返酒店，不過攰得來又好開心，尤其是大頭妹同小丸子，玩到不捨得返香港﹗老實講買野就真是一定不及東京，不過小朋友玩同食，就真是非常不錯，食物非常岩口味﹗

行程第一篇 BLOG，先講機票和今次住的酒店﹗

今次第一次坐 HK EXPRESS，一早 1月就買了機票，誰不知道是 HK EXPRESS 的市場銷售策略/ 之前熊本地震影響，機票竟然越賣越平？﹗最後我 6月份再睇，竟然比我 1月份時買平足足 $4000有多 (哭)，來回程都是 $688@，仲要早機去晚機返，我買的時候，晚機返是 $1488@，已經足夠 6月時買來回程了﹗其實我 1月一買完一個星期，已經做 DBS 8折。難怪我買機票時，身邊朋友都問我點解唔等 HK EXPRESS 做優惠先買？﹗我以為暑假是不會有優惠嘛﹗不過其實我都是 $11000/ 4人 (已包稅﹑來回程行李﹑揀坐位﹑回程 2個飛機餐)，個人覺得以暑假來講，已經好抵玩。

今次坐 HK EXPRESS，明顯比上次坐 VANILLA AIR好。上次坐 VANILLA AIR，上機真是有嚇一嚇，坐位好窄，而且引擎好大聲，亦好 CHOK 下。今次 HK EXPRESS，我唔識分機種，不過去程是坐 HK AIRLINES 的機，機司揸得好定，是非常定，我上次以為廉航細機所以唔定，原來不是，當然天氣都可能有影響，不過 LANDING 無得呃人架呱？﹗當然我唔專業，我只以客人的角度去睇，今次坐得好舒服﹗唯一是 DELAY了 1小時，但我地出發前一晚，是不停閃電大雨的一晚，所以少少 DELAY，我覺得可以接受。

坐 13:10 飛機，預 1小時去到機場，再 2小時前到，所以 10:00 就出門口啦﹗大約 11:00 去到，早一晚已經 ONLINE CHECK IN了，去到機場只是寄行李，過程非常快。排隊時順便 CALL WIFI AIR交收，今次訂【WIFI AIR】，因為可以去機場借/還機，$500按金，一日就 $30，其實有間仲平啲，不過我太遲 BOOK，所以 BOOK 唔到﹗

坐廉航最好預多少少時間，今次要坐 2次無人駕駛，先去到我地個閘口﹗去到得 2間餐廳，一間是美心 MX，一間是味千拉麵，阿旺忽然話想食雲吞麵，所以揀了美心 MX。

指定動作﹗

廉航無機上娛樂，所以自制娛樂比大頭小丸，兒童 HEADPHONE 在 HMV 有大量選擇﹗

唉…DELAY 了一小時，本身坐中午機都要 5:20才到日本，現在變成 6:20才到，過完海關，坐的士去酒店，CHECK IN 上房都 7:00啦﹗我原來預有 1小時的 SHOPPING TIME 就沒有了﹗

今次揀了住福岡天神的【SOLARIA NISHITETSU HOTEL】，其實去福岡主要都是博多/ 天神，今次去完覺得如果好似我地『非自駕遊』，都是住博多方便過天神好多，但如果是自駕遊，天神的酒店是平少少的﹗

就好似我地今次住的【SOLARIA NISHITETSU HOTEL】來講，不用 $1000/晚，頭 2晚不用 $800/晚，尾 2晚都是 $900/晚 (連稅)，房間非常大 (以日本來計)，地方在天神來講是非常方便，連接天神地下街，樓下就已經有 5-6個商場，包括: 三越/ 大丸/ PARCO/ SOLARIA PLAZA/ SOLARIA STAGE．．．酒店其實就在 SOLARIA PLAZA，而 SOLARIA PLAZA，已經有齊我要睇的牌子：EARTH MUSIC/ LAISSE PASSE

酒店房就明顯好多年無翻新，不過 $800晚，就唔會要求太高，同埋我要揀可以比 2個小朋友入住的酒店，其實真是選擇不多，BOOK 3人房又會貴好多﹗