【Chocolate Rain】買繪本85折享用靚靚甜品
2016-07-21
鍾意食甜品可以有好多原因,除咗因為甜食非常吸睛外,食甜嘢仲可以帶俾人快樂嘅感覺。本地品牌Chocolate Rain最近跟城市花園酒店合作,將最新繪本作品《魔法黑森林》嘅故事情節變成美味甜品,帶大家用味覺感受童話世界。
而且,依家去Chocolate Rain中環蘇豪或葵涌門市買《魔法黑森林》繪本,更可憑收據用85折嘅價錢享用以下甜品。每款甜品都非常精美,靚到唔捨得食,你又最鍾意邊款呢?
▲法天娜的蘑菇小屋($98):蘑菇屋cupcake加上幼滑忌廉,屋頂仲用咗士多啤梨同香蕉油做裝飾,夠晒可愛。
▲松鼠媽媽的神奇便當($98)。香蕉和核桃班戟做成,綁上可樂味嘅繩結,點捨得食落口!
▲冒險者天梯($108)。沙棘果、荔枝和青瓜奶凍做成彩虹奶凍,加入綿花糖、朱古力天梯和七彩星形糖果做裝飾,淨係睇相已經流晒口水!
▲魔法黑森林($108)。朱古力海綿蛋糕加上鮮忌廉、藍莓果醬和櫻桃,朱古力愛好者一定唔可以錯過!
▲款款都咁靚,唔知點揀好?可以order黑森林盛宴($350),一次過滿足晒4個願望!
地點:北角城市花園道9號 城市花園酒店綠茵閣
日期:7月20日起至另行通知
訂座電話:2887-2888
甜品供應時間:15:00-17:30