【校長爸爸做外公】鮮魚行前校長 梁紀昌 添外孫
2016-07-29
恭喜晒!恭喜晒!學生稱呼為「校長爸爸」的鮮魚行學校前校長 梁紀昌 ,其女兒昨日誕下男嬰!
話說梁校長的女兒原是上周預產期,BB卻遲咗一星期都未出世,結果要去醫院催生,順產生了兩個鐘,BB好快就出世。
BB出世時重 3.71 kg,成8磅多,認真重手!有研究話,BB出世愈重愈聰明,相信梁校長外孫日後肯定係聰明仔。
不過,記者估唔到校長女兒都只係去公立醫院生,梁校長仲話兩名外孫仔都係廣華出世,皆因對香港醫療服務有信心。
問梁校長幫孫仔改乜名,佢話全交俾爺爺負責。
退休後的梁校長,不時弄孫為樂,跟記者做完訪問,都即刻趕去女兒家湊孫,相信女兒再添丁,梁校長肯定更忙了!
你睇梁校長幾開心,見到外孫仔笑到見牙唔見眼。
BB出世半天,已急不待睜大眼仔看世界。
相片由梁紀昌校長授權轉載
相關文章: