學生相點影先靚？專業攝影師話你知
2016-08-17
相信唔少爸媽都曾經遇過一個難題，就係帶孩子影學生相。幾歲人仔大多好動，要佢哋坐定定，喺陌生環境之下影返輯靚相絕對唔容易，好多時都需要爸媽出動「威逼」同「利誘」先會成事。
快圖美全線分店都設有証件相拍攝專區，令小朋友可以喺較舒適嘅環境下影學生相，而且專區仲提供即棄梳、髮夾同紙巾等用品，比孩子可以喺影相前打扮一番，非常貼心。拍攝專區設備齊全，採用專業影樓燈光同高階富士數碼相機，加上快圖美所有店員都受過專業培訓，要幫孩子影出靚靚學生相絕對無難度！
另外，店員會為小朋友拍攝多張相片，等爸爸媽媽可以從中選擇，如果揀唔到合心水嘅相片，可以要求重新再影，直到滿意為止。
▲部分快圖美分店嘅証件相拍攝專區更加係獨立間格，一眾怕醜仔女就可以唔受外界騷擾，輕鬆完成拍攝。
▲6歲半嘅巧晴一見到個梳妝台就非常開心，話要將自己扮到好似公主咁靚！
到底幫小朋友影相難唔難？專業攝影師Sammy認為佢哋嘅專注力較低，尤其係4歲以下嘅小朋友，「最好就搵啲小玩具，例如噹噹，吸引佢哋嘅注意力。只要佢哋肯望鏡頭，我就有信心會影到滿意嘅靚相。」
▲當日巧晴非常合作，令Sammy嘅拍攝十分順利。
專業同優質嘅服務態度一向係顧客最重視嘅原則，有見及此，快圖美特別推出「十分滿意保證」承諾，所有顧客只要對相片有任何唔滿意，都可以喺10日內免費重拍或者退回相片，保證客人可以影到最滿意嘅心水靚相。
▲李太：「試過帶巧晴去其他影相鋪，點知影完又唔靚，又無得再影過，搞到要再比錢影多一次。」佢認為「十分滿意保證」服務非常適合小朋友：「就算比貴啲都抵。」
▲揀完相，只需等15-20分鐘就有得拎，非常方便。
暑假仲有半個月就完喇，趁未開學，快啲帶孩子去任何一間快圖美分店影學生相，享受最稱心嘅服務！
拍攝學生相小貼士
1. 學生相最緊要儀容整齊，女仔頭髮記得要先用髮夾夾好，而男仔可以用水或定型噴霧固定頭髮
2. 爸媽事先記得同孩子溝通好，必要時買粒糖氹吓佢哋，令佢哋可以配合拍攝
3. 校服記得先燙好，同埋記得帶齊配件，例如領帶、蝴蝶結等
顧客服務熱線：3189-1648
網址：www.fotomax.com