日期 | 全年適用 |
4年沒有再來香港海洋公園,上次萬聖節來的時候,改頭換臉的OP令我驚訝得以為去錯地方…今次終於沒有再大改變!(唔好變得太多啦…咁米幾好)
本來以為「連個天都唔鍾意」,因為黃雨,及雷暴警告雙雙陪伴入場,幸好毛毛雨只維持至14:00,SY:「嘩!竟然同尋日一樣,又出太陽喎」(係囉!!一天都光晒! Yeah!)
一別四年,安安,佳佳,盈盈,樂樂依然睡覺大過天,SY:「E隻係假架…唔郁架」,工作人員:「佢係樂樂,因為佢要消化竹葉,所以成日都好攰咁坐係度,唔多郁囉」
本來,SY最想走去找海綿寶寶射水,不過合照過後,工作人員建議:「我哋收8點,所以你哋玩完其他遊戲,6點左右返嚟玩水,可能會好D。因為濕晒身,之後先去玩其他遊戲會比較辛苦」
我們聽完建議,便決定坐纜車過對面高峰樂園,玩畢機動遊戲才回來玩水。
纜車站永遠也有一條長長的人龍出現,估計輪候時間最少30分鐘…不過,今次我們購買了「海洋快證」,所以可以享受「0」排隊,通行無阻的樂趣。
每張「海洋快証」可以在14項遊戲、及設施中,挑選7項來使用。纜車,及海洋列車可作來回使用,當作2次使用。
為了方便大家,特別「圈」出所有可使用的項目…
我們的纜車一到站,立刻急不及待,去玩最爽,最輕鬆又帶少少刺激,又可以感受透心涼的「熱帶激流」
因為有特快通行証,我們又節省了足足45分鐘的排隊時間,直接上大橡皮艇,轉轉轉,衝衝衝,正呀!沿途還不斷給排隊人士射水。好玩!!
SY:「我都想去射水,不如我哋唔用快證再玩一次」,我:「每款遊戲只可以用快證一次,所以要用都用唔到,但係咁多人,不如我哋食完飯睇吓有無人先再嚟玩啦」
當然,飯後的陽光更美麗,人龍更長,於是我們便改玩碰碰車,海洋摩天塔,尋鯊探秘,摩天巨輪。
因為,我們怕人多,所以揀了平日入園,再加上朝早的惡劣天氣,所以部份遊戲也不會太多人,就算排隊也只是5分鐘。
加上雨後陽光,清風送爽,我覺得真的揀對了日子來玩,來癲,來Ocean Park。
之後舅仔說:「以前OP有兩個門口,我記得最鍾意玩就係集古村後面個「滑浪飛船」,不過E家要兜咁大個圈先得到嚟」
細膽的SY遠遠望到,飛船最後最好玩的一衝,顫顫抖抖的說:「唔好攪好,我好驚!你玩埋我嗰份啦」
舅仔:「我坐慣前面,就由我坐啦,雖然一陣,一定濕到阿媽都唔認得」,船仔要求3歲就可以玩,我真的不明白7歲的阿囝怕甚麼。
SY:「我鍾意射槍多啲…好玩!! 不過爸爸…我幾時先可以返去海綿寶寶玩水?」
於是我們便乘登山電梯,再轉纜車返回海濱樂園,任由SY玩水玩到8時關門。
水戰大激鬥一定要好考眼界,有時未夠力,或者瞄不準出口的話,水球就會未發射已爆破…SY:「哈哈哈!爸爸你咁水皮…哈哈哈!自己都整濕自己都有嘅」
那個橡根需要一定力量,所以SY還未有足夠能力發射水球,不過,只能放水球的小朋友,一樣興奮得走來走去…因為他實在太愛玩水。
之後在夏水禮活動內,SY簡直玩到瘋狂,一而再,再而七的不停任由「超級巨沖」,衝打自己,小朋友大叫:「好好玩呀!」
「泡泡狂熱」就如同浸泡泡浴一樣,不過每三分鐘,天花板又會吹出大量泡泡…SY一見大堆泡泡即時喜歡若狂:「Yeah!! Yeah!!多d多d多d」
本來讓小朋友玩30分鐘,結果,不願走的他,於「幻彩噴泉陣」走來走去,一見 「超級巨沖」準備就緒,又衝前等水「照頭淋」…大大話話又玩了10次。
最後8時,工作人員欄上入口,我們才有籍口勸退他…在不願走的情況下,一上小巴,SY:「我隻腳好攰,行唔郁啦」
我:「吓?你頭先又唔願走?? 你真係得恴…唔用盡最後一分奶力,都唔甘心」
「海洋快證」適用於下列機動遊戲及設施:
海濱樂園 |
高峰樂園 |
登山纜車站 (單程) |
登山纜車站 (單程) |
海洋列車海濱站 (單程) |
海洋列車高峰站 (單程) |
海洋奇觀 |
南極奇觀 |
水戰大激鬥 (新) |
熱帶激流 |
|
瘋狂過山車 |
|
越礦飛車 |
|
尋鯊探秘 |
|
極地時速 |
|
動感快車 |
|
摩天巨輪 |
|
滑浪飛船 |
|
極速之旅 |
價錢 : HK$150 (成人與小童同價)
購買地點:公園入口處票務部、歷奇百貨、北極購物村、熱帶雨林禮品店、海洋金銀島
網上購買:https://ticketing.oceanpark.com.hk/oceanpark/b2c/index.cfm/fastrack
作者:大仁生活
相關文章:【大仁】1:1 震撼聖鬥士:孭住聖衣箱去搵星矢 @ 30週年展覽
【大仁】《城寨英雄》闖東涌 兩仔爺玩轉真‧懷舊街市!
4年沒有再來香港海洋公園,上次萬聖節來的時候,改頭換臉的OP令我驚訝得以為去錯地方…今次終於沒有再大改變!(唔好變得太多啦…咁米幾好)
本來以為「連個天都唔鍾意」,因為黃雨,及雷暴警告雙雙陪伴入場,幸好毛毛雨只維持至14:00,SY:「嘩!竟然同尋日一樣,又出太陽喎」(係囉!!一天都光晒! Yeah!)