| 日期 | 全年適用 |
自從家中安裝了MyTvSuper之後，SY無間斷煲劇。今日我跟阿囝說：「我哋一陣去睇《城寨英雄》喎，係米好開心呢？」，SY答：「我無睇過喎，我淨係睇超能老豆咋」(極無癮嘅答案)
一家三口，第一次走到東涌逸東邨街市，原來由地鐵站步行至街市，起碼40分鐘。已經不想再孵精靈，所以還是坐巴士。(詳情請查看文章尾段, 前往方法)
「逸東街市」改名為「香港街市」，大門口已經非常電視城的民初街，心想：「真係好似無綫《城寨英雄》個景喎」
SY：「爸爸！我想坐嗰架手推車呀！」(E架叫人力車，不過以前D人鍾意叫黃包車…但我認識的人力車，一向是紅色，點解叫黃包車，我真係唔知道)
我：「哎呀！早知帶埋你封換超人咭嘅信嚟寄啦」，八卦的SY插了小手入紅色殖民地皇冠郵筒口後，即大叫：「假架…個口封咗架，寄唔到信，仲有個龍眼皮(殼)塞住咗」
走入「九龍城寨」，其實也很有氣氛，因為街市會有歌曲播放，我也是第一次遇上。播的是《女殺手》，《青青河邊草》，《肥婆隻雞甩晒毛》…老歌較我還要老!! 真‧六十年代感覺滿滿！
SY：「爸爸！E度有芝士腸賣」，我：「生架！因為E度真係街市嚟吖麻，(SY：真係街市？都唔似嘅，點解會變咗咁樣嘅？)，其實我都唔知道，不過，有得影吓相就過嚟囉，都幾得意吖」
「街市」內的每一檔位頂部，也特別設計成當年九龍城寨的唐樓，小露台，霓虹光管，招牌燈箱，還是家家戶戶掛滿內衣褲的晾衫竹。
SY舉頭一看後便大叫：「咁多欄杆掛晒D衫係度，係真係假呢？」(扮返以前吖麻)。SY：「爸爸！乜九龍城以前真係咁咩？」(我唔知喎，我都未出世，你要返去問爺爺先得)
門口第一檔的零食店很有生意頭腦，將本來一袋袋的糖，打散以$0.5出售，十足當年的價錢…吸引到SY即時將$4零用錢，全部進供了給老闆。
阿太：「E!! 佢哋有部當年嘅汽水機喎」(老婆你(以為自己)真係太年輕，牛頭角，太子D雜貨舖間間都仲有E部機呀！)
下頁: 街中中央「大飛機」