【Saron】Jamie's Italian 享受家庭樂

今日有幸黎到 Jamie’s Italian Hong Kong 試到佢地新推出的Brunch，仲有一些menu上未有的菜式，實在太開心啦！

由於Jamie自己都有五個小朋友，所以對於父母所需就特別照顧到，個play area 非常好，我地可以一邊食野，謹子坐唔定又可以同其他小朋友玩，very good !

佢地既kid menu都非常多選擇，除左好基本的sandwiches, burger 或者意粉選擇外，我地就幫謹子選了「紙包三文魚」，好欣賞佢地個presentation 令小朋友好有食慾，更加有心思係用另一個小瓶裝著沙律菜，令小朋友好好奇打開，增加想食蔬菜的意慾！

而我地好幸運得到餐廳負責人安排試齊差不多menu上所有前菜，由於我地得三個人，佢地就為我地特意安排了一個混合版，我地特別推介「香酥炸磨菇」、「蒜辣中蝦」和「終極蒜蓉包」😋 的確非常好食同特別！尤其係個炸磨菇，真係唔知佢點整可以唔油得來咁香口👍🏻 另外，佢地既「黑松露薯條」亦係我今日既亮點，我真係好好好鐘意食黑松露，但好多時係街食到既黑松露薯條都係係咁二將少少黑松露放上面，但呢個薯條好明顯佢地係用油方面已經落左黑松露去炸，所以係非常濃郁的黑松露味道！

而主菜方面，大金毛選了未上menu的芝士炸雞排，而我就選了最出名的菜式之一「鮮蝦扁意粉」，兩款主菜都不過不失，份量較大，建議大家share較好！

而我地當然永遠都有第二個胃食甜品架啦！我最愛的Gelato 真係好正，好濃好creamy，必推海鹽焦糖，我諗我可以食十球😂 另外，佢地既cheese cake同 tiramisu都好特別咁分別加入了檸檬和香橙味，好岩香港人怕太甜的口味，成多兩件都唔會太膩😁

又一個開心的周未❤️
推介大家黎試下，尤其帶著小朋友就最岩，a super family friendly restaurant !

作者：Saron