今日陪SY去麗港公園捉完比卡超後，便走到旁邊的商廈「食塵」，SY：「塵都可以食嘅咩？」
有眼不識泰山，原來這粒塵非常紅，後知後覺的大叔，當然也要戀上這粒塵… SY：「爸爸！E度咁大又唔駛等位，幾好喎。」
當然，這區一放工，愛回家人潮一過，死城一樣，所以今次的主題餐廳，是少有不用排隊… (不過Last Order 19:20，店員話閂20:00，但今晚倂我哋累要OT，真係唔好意思)
Dustykid毛公仔要10月才發售，所以借來拍照吧！
本來菜單上的「微塵 Big Mac」 $78 賣相不太吸引，最初我還以是手打牛肉，上枱才發現是魚柳包。
沒有期望下，較巨無霸更足料的「微塵包」，超好食！我：「D蛋炒得唔老，好正！」爛Gag王上身的SY竟然答：「長生不老囉！」(吓？)
魚柳包：層層夾有薯餅、火腿、煙肉、番茄… 其實十足好食的All Day Breakfast。
「大笑塵大阪燒」 $68一上枱，SY：「好靚喎… 好似一個草地咁呀，好多沙律醬呀！」
同樣足料，有肉、有野菜、有炒麵的大阪燒，可能要配合上面鋪滿紫菜的「塵」樣… 所以總覺得較原裝大阪燒為薄？
SY：「乜日本食嘅好厚咩？(自己燒，可以好厚)呢度點會畀你自己燒喎… 所以咪唔厚囉。」(點解今日你似好識嘢咁呢？)
睡寶寶造型的「輕鬆塵鬆餅」 $78，一上枱SY便大叫：「好得意呀！粒塵瞓緊覺喎！」
我一向愛吃班戟多於熱鬆餅，不過今次例外，因為張被(班戟)沒有任何味道，而鬆餅夠鬆又入味，配上士多啤梨、蜜糖… 絶對鬆餅完勝班戟。
至於最後的「塵粉啤啤乳酪杯」 $58，本來店員錯給了我一杯「嘆杯塵 Tiramisu」，早知不要換走啦！
因為乳酪，還要士多啤梨乳酪，酸得食落不能開眼… 以不愛乳酪的仁，Tiramisu一定合我心意得多。
SY：「唔係喎，乳酪梗係酸架啦，爸爸！你可以食埋棉花糖、oreo，同提子乾吖，真係好食呀！」 (咪搞我，全部都超甜嘅，食完要飲番5杯水先搞得掂。)
飯後的SY好雀躍的說：「呢度食飯好呀… 漢堡包好食，食完又可以過麗港公園捉比卡超… 快D過返去個公園，再繼續捉比卡超囉！」(一晚捉到5隻比卡超，又真係幾開心嘅！)
Japanese Library x Korean Library
食塵限定：即日至 10 月 15 日
地點：觀塘偉業街 223 號宏利金融中心 1 樓 7 號舖
電話：2650 2520
時間：星期一至五 8am-8pm ,星期六 9am-5pm ,
星期日及公眾假期休息
作者：大仁生活