大家有沒有在聖誕期間把握機會探探一眾芝麻街好友呢？不過錯過了也不用太慌張！因為 Elmo、Big Bird 和 Cookie Monster 都話好唔捨得香港嘅朋友，決定留低同我地一齊迎接猴年呀！去過嘅朋友都唔使擔心會悶親，因為 Elmo 唔敢待慢大家，原本嘅充氣裝置同聖誕裝飾都已經快快手變成桃花樹同喜氣洋洋嘅芝麻街大屋喇！
喜氣洋洋芝麻街
今個農曆新年，Elmo率領一班芝麻街卡通人物，花上心思佈置他們居住的芝麻街大屋，將大屋每個角落佈置得洋溢着濃濃的新年氣氛，坐定定喺大屋入面等候大家來拜年。除此之外，換上新裝嘅芝麻街成員有時更會聚集喺屋外嘅的芝麻街經典街道，令成個數碼港商場都熱熱鬧鬧喜氣洋洋！一身「紅噹噹」4米高嘅巨型 Elmo 充氣公仔座立商場正門與大家拜年，到訪嘅朋友記得同芝麻街朋友喺桃花樹附近影相！
自家製芝麻街揮春
同 Elmo selfie 係咪唔夠特別？今年新春終於可以搞搞新意思，喺「揮春自助設計站」自己設計有芝麻街公仔嘅揮春！參加者可以用自創的祝賀語句配上一系列趣緻可愛嘅芝麻街公仔，拼出一張獨一無二的賀年揮春！仲可以選擇立即打印或以電子方式傳送予親朋摯友，同大家分享獨特嘅新年祝福。
其實 Elmo 由 1 月 24 日起，逢周日下午都會現身數碼港商場，與大家見面及拜個早年。在元宵節前一天，Elmo更會帶來糖果及小禮品，與粉絲慶祝新年，也迎接甜蜜元宵佳節，當天場內更會舉行新春同樂日，除了醒獅及雜技表演外，同場更有傳統文化攤位及財神巡遊，一同分享喜慶熱鬧時刻。
活動詳情
新春樂聚芝麻街
日期：2016 年 1 月 16 日至 2 月 22 日
時間：10:00 am – 10:00 pm
地點：數碼港商場 – 全天候廣場
揮春自助設計站
日期：2016 年 1 月 23 日至 2 月 6 日 (逢周六及周日)
時間：01:00 pm – 06:00 pm
收費：毋須消費即可參加 (每日名額 50 位)
相關文章：賀新禧《新春百鳥桃花園》@新都城