送孩子 出國升學 ，最怕唔係揀得唔好，而係揀錯咗?｜Samuel Chan

咁多年來，我接觸過唔少送子女 出國升學 嘅家長。大家嘅出發點其實好一致，都係想孩子將來有更好嘅前途，但同時又好擔心，自己一個決定，會唔會影響孩子一世。

英識其中一位家長，Samantha，當年帶住一對子女嚟規劃英國升學時，其實都懷住同樣嘅心情。不過喺眾多家長之中，佢特別令我印象深刻，唔係因為佢一心追逐名校，而係因為佢好清楚自己孩子嘅性格同需要，亦願意花時間，同孩子一齊思考將來要行嘅路。

留學不只是升學選擇

嗰次英國留學，對佢嘅一對子女嚟講，唔只係一個升學選擇，而係一段真正嘅成長過程。

我親眼見證呢對姊弟，由事事依賴父母，慢慢學識照顧自己、管理生活；由被動讀書，變成會主動發問、思考同探索。成績當然亮眼，但更重要嘅係，佢哋開始建立自信，亦願意為自己嘅人生負責。

Samantha 本身係心理學碩士、生涯教育作家，但同時亦係兩孩之母。佢嘅女兒，憑住英國 GCSE 同 A-Level 全科狀元嘅成績，成功考入英國 G5 名校 Imperial College London 醫學院。不過，佢從來都唔覺得呢條路可以「照板煮碗」複製俾其他細路，但有好多細節可以俾其他家長做參考。