【Yennie】媽媽恩物推薦:非一般的兒童電動牙刷

2016-09-01


唔知大家屋企嘅小朋友有冇唔肯刷牙問題呢?我家就有一個!

我家舒小姐成日覺得刷牙好沉悶,每日早晚刷兩次都唔知為咩。即使你同佢解釋唔刷牙會蛀牙會唔靚都冇用,因為佢一日唔牙痛,一日都唔會驚,但唔通真係等佢蛀晒啲牙先諗方法咩…..

我都聽過身邊有部分媽媽話因為手動牙刷刷頭過大同刷毛唔夠軟整痛小朋友牙肉所以就愈刷愈走,甚至一刷就咬住啲刷毛,連想將牙刷放入口都難,搞到冇晒辦法。

為咗要令小朋友養成刷牙習慣,我都用過唔少方法。用遊戲方式,同佢互相交換幫對方刷牙,佢起初都覺得幾得意幾好玩,但試多幾次之後就好快冇咗新鮮感,刷唔夠1分鐘就走咗去。

我又試過用獎勵形式鼓勵佢每完成早晚一次刷完牙就可以有一個貼紙,儲夠一定數量就可以完成一項佢想要嘅活動做獎勵,例如去公園玩或講故事等,但長期用獎勵形式亦唔可行,歸根究底都係要令佢自動自覺去刷牙。

20160829_yennie_02

直至聽到身邊朋友推薦呢款Oral-B 新出嘅款兒童電動牙刷,簡直係媽媽恩物。上面印咗俘虜萬千小女孩嘅魔雪奇緣卡通,一向用開手動牙刷嘅舒小姐當然一見愛上~(圖案有魔雪奇緣入面嘅Elsa、Anna同小白)。

呢款兒童電動牙刷係圓頭設計,刷頭轉動冇成人電動牙刷轉得咁快,但比傳統手動牙刷更有效清除菌膜,同埋深入清潔牙與牙之間較難刷嘅罅隙,連較後嘅大牙位置都可以刷得好仔細好乾淨,連舒小姐刷完都話好Fresh!

20160829_yennie_03
▲ 德國製兒童電動牙刷刷頭細,平時小朋友刷牙時難刷嘅位都輕易刷到。

加上刷頭細,刷毛軟,啱晒小朋友用,3歲就用得啦~你睇佢刷得幾開心!呢款兒童電動牙刷嘅手握位比較粗同冇咁跣手,咁就唔怕小朋友刷牙時拎得唔好容易跌啦~

20160829_yennie_04
▲ 防水手柄啱晒小朋友拎,冇咁容易跌。

講完牙刷,好多人都忽略刷牙嘅時間,唔知大家每次刷牙會刷幾耐呢?牙醫建議我地每次刷牙起碼要刷2分鐘,不過就連大人有時都未必刷足,更何況小朋友呢?Oral-B就同Disney合作設計咗呢款叫 Disney Magic Timer嘅免費APP幾值得推薦各位家長試試。配合埋兒童電動牙刷,小朋友可以邊聽魔雪奇緣音樂,邊睇動畫,用泡泡圖案計時,有時我自己都會跟住個音樂計時一齊刷,真係可以刷足2分鐘架,牙齒嘅污糟嘢就可以同魔雪奇緣首歌一齊let it go~let it go la!

20160829_yennie_05
▲ 你睇舒小姐幾專心刷牙!

20160829_yennie_06
▲ Disney Magic Timer App用泡泡圖案計時,令小朋友刷足2分鐘!除咗魔雪奇緣卡通仲有其他迪士尼卡通,例如Mickey Mouse,男仔都啱用!(可以喺Apple App Store 或Google Play搵到)

20160829_yennie_01
▲ 連家姐都有心機刷咗呢!

20160829_yennie_07

20160829_yennie_10
▲App 內可以開設小朋友戶口,用嚟統計佢每日有無刷牙,刷完就會有星星同貼紙,仲有本貼紙簿畀你睇返儲咗嘅貼紙~

而家叫佢地刷牙,真係主動同積極咗好多,亦變成咗一件吸引嘅事,唔單止刷耐咗仲乾淨咗添!其實叫小朋友刷牙唔單止係為咗衞生同牙齒健康,更重要係訓練小朋友學識打理自己,令佢地養成自動自覺刷牙嘅習慣,可以話係成長嘅重要一環黎架~

作者:Yennie Darkins

熱門文章

孕婦要求剖腹產醫院堅持順產 嬰兒頭被扯斷滾地
10-21
愛妻董燕君不敵癌魔離世 林子博: 放心走吧,愛你
10-21
【恐怖虐兒】台灣保母狠壓男嬰19分鐘窒息亡 父母看掙扎片段崩潰
10-21
【全職媽媽】朋友質疑沒有上班的人在忙甚麼 全職媽媽列全天工作時間表籲夫妻間多體諒
10-20
自私侄賣走姑媽自住屋 承諾還廿萬作補償惹熱議
10-21

【恐怖虐兒】新加坡女傭邊餵奶邊捶打滿月嬰 被判監9個月
2020-10-21
外傭入便利店獨留年幼少主在街 網民:一秒都唔應該
2020-10-21
【新冠肺炎】挪威發現全新變種新冠病毒 傳播能力更強 非密閉空間亦可傳染
2020-10-21
【育兒漫畫】因為有你,豐富了我 | 香游氏
2020-10-21
【育兒漫畫】每天都感到「熱」烈的愛 | 香游氏
2020-10-21
【感人故事】妻產後大出血半日動4次手術 趙博:不惜傾家蕩產只願她平安
2020-10-21
查看更多   ▸