黎諾懿自爆與太太教育方針南轅北轍 笑稱大仔讀國際學校變「文盲」：睇叻過寫

黎諾懿2014年與前港姐李潔瑩結婚，先後誕下大仔黎峰睿（小春雞）與細仔黎奕辰（小冬牛），一家四口幸福美滿！不過日前，黎諾懿出席活動時透露跟太太在教育方針南轅北轍，又指正就讀國際學校的大仔寫字機會不多，笑言：「佢就嚟變文盲！睇會叻過寫。」

黎諾懿：覺得讀書無乜用！

黎諾懿接受傳媒訪問時，自爆跟太太在教育方針南轅北轍，自言從來不是嚴父，偏向跟小朋友玩樂，他認為在AI和電腦高度發展的未來，死記硬背的乘數表和公式在社會上未必實用，直言：「我覺得讀書無乜用！」相反，太太則認為兒子年紀尚輕，現階段應該專注學業。縱然在教育觀上間中有分歧，作為廿四孝老公和老竇的黎諾懿，還是會妥協讓老婆。

大仔「小春雞」黎峰睿年僅8歲就考獲8級鋼琴，黎諾懿認為應在童年多探索個人興趣，學習喜歡的技能，比如說兒子熱愛彈琴就讓他學琴，才事半功倍。而眾多技能之中，他最看重語言能力，大仔現時識英文、廣東話、普通話，由於讀國際學校，寫字機會不多，他笑稱：「佢就嚟變文盲！睇會叻過寫。」他指細仔將入讀國際學校小學，有跳舞天份，也計劃送他報讀兒童舞蹈班，問到是否希望兒子將來入行做藝人？黎諾懿反對：「做娛樂圈實在太被動喇！男仔唔應該咁被動，我唔想佢哋白等，等晒啲時間。」

4歲細仔未戒奶

另外，自從成為人父，黎諾懿與太太對飲食都非常講究，深信有機對小朋友成長健康至為重要。黎諾懿透露4歲的細仔「小冬牛」黎奕辰仍未戒奶，幸好他第八年擔任奶粉品牌的大使，省下不少奶粉錢，笑言：「老闆娘仲成日叫我生多個，我都好想追女……如果再生仔我驚接受唔到，我兩個仔都相差4年，玩嘅嘢唔同，大仔要滑雪，細仔要跳彈床，我要花好多時間陪佢哋玩，分身不暇，未有動力生多個！」

雖然教育方針南轅北轍，但談到飲食習慣，黎諾懿跟太太李潔瑩非常合拍，全家人奉行清淡原則，主張少糖、少鹽、少油，挑選食材時盡量選有機食品，並說：「而家喺屋企主要都係姐姐下廚，雖然我識煮，但都係姐姐下廚多，我老婆就係地獄廚神！當年太太揀我，都係貪我識煮飯，而家我就過時過節先煮。」

來源：黎諾懿FB、星島頭條

更多文章：

細仔14個月大仍堅持親餵 賴慰玲曬溫馨時光引共嗚：驚佢有牙，但就係唔捨得

洪欣媽媽激罕露面 三代同堂合照曝光 孫女遺傳婆婆「美女基因」