【書包掛棵蔥會聰明？】麥玲玲：我細個都係咁
2016-09-01
今日係廣大莘莘學子返學嘅大日子，媽媽群組就瘋傳咗一張相，見到一個小男孩同爸媽手拖手返學好溫馨，但焦點就落喺佢書包後面，掛住咗嘅一棵大蔥。
群組內嘅媽媽，都話係「聰明」咁解。我哋打電話問過堪舆學家麥玲玲師傅，佢話呢個其實都係父母對小朋友新學年嘅期望，攞個意頭：「我細個都係咁，阿爸阿嗎都會放棵蔥入我書包，不過就無咁大棵，同埋唔會掛喺書包出面。」
麥玲玲又話，有媽媽會將拜過神嘅筆盒同文具，新學年俾小朋友用，道理都係一樣。
圖片：網上圖片
星島圖片庫