英國升學｜從顧問到父親 揀校視角改變 Cheltenham Ladies' College 170年女校 教會女孩勇敢而非完美｜Samuel Chan
2026-05-28
「如果可以，我希望我個囡 Emma 將來有機會成為 Cheltenham Ladies’ College (CLC) 的學生，因為我想將最好的都留給佢。」
以前去英國參觀學校，我多數帶着「升學顧問」、「舅父」或者「表哥」的心態。職業病使然，入到校園行兩圈，腦海中自動就會彈出排名、數據、分析學校定位同發展方向，閱校無數，大概心中都有個譜。
老實講，由細到大，不論香港小學定係英國寄宿學校，我一直都讀男女校，對單性別學校真的沒有偏好，甚至覺得反正第時出到社會都要同異性合作，無必要於求學階段將男女分開。
但自從囡囡出世之後，這種睇法慢慢改變。
今次再去英國參觀學校，我發覺自己個腦會自動切換成「爸爸 Mode」。我深信，揀學校不單止是個學術決定，更是個會影響個囡一生性格、眼界同底氣的抉擇。唯有跳出顧問框架，真正以屋企人的角度去想，才是最真、最為她著想。正因如此，我今次特別用心去研究女校，而 CLC給我的震撼，遠遠超出冰冷的成績數據。
來源：Cheltenham Ladies’ College