英國升學｜A-Level 數學卷一考完，全場考生都話係歷史級難度｜Samuel Chan
2026-06-08
上個星期，我Business Partner 個仔考完 A-Level 數學 Paper 1。考完之後，佢 WhatsApp 我，得一句：「Uncle Sam，今年份卷可能係歷年最難。」
我問佢點解。佢話：「平時操過嘅題型，全部變曬。」
我再問其他學生，反應都一樣：今年嘅 Paper 1，唔係你識唔識做，而係你識唔識「諗」。
如果你係香港家長，聽到呢句，可能第一反應係：「歷年最難？咁咪好唔公平！點攞高分？」
但我想講嘅係另一件事。
英國嘅 A-Level 數學，近年嘅出題方向已經唔再係「你識唔識做呢條公式」，而係「你識唔識用呢條公式去解決一個你未見過嘅問題」。Paper 1 之所以被評為歷史級難，好可能就係因為今年嘅題目更加註重 application，更加註重學生嘅解難能力，而唔係純粹嘅計算。