【80後媽咪】開學大作戰

2016-09-12


悠長嘅暑假終於完結啦!

九月一, 開學鳥….

 

今年嘅開學, 對我們家來說,是一個很大很大的挑戰呢!

哥哥升小一, 細佬又轉了另一間幼稚園

生活上, 感覺自己有很大嘅轉變

面對呢啲未知嘅末來

或多或少,心裏面,都有著很多的不安

先講下阿哥

今年哥哥入讀小一啦

小一同幼稚園真的大不同

喺小學, 好多嘢都會變得嚴謹

欠交,欠帶幾次,又話會記缺點

阿朗間學校, 咁啱又冇網上手冊

而阿朗份人, 一向都是粗心大意的……

真係都好擔心佢會抄漏手冊, 搞到欠帶呀…..

 

第二個擔心

就係去到一個新環境,阿朗又人生路不熟

雖然,佢仲有一位幼稚園同學跟他作伴

但是, 卻又唔同班

朗朗份人….其實都好內向怕醜架…..

怕醜唔講嘢,講嘢又細細聲

我有點驚佢識唔到朋友啊……

第三, 呢個真係超擔心啊…..

阿朗到今日, 做功課仍然係會做到扭計大哭的

我哋間中仍然會為咗做功課嘅事吵吵鬧鬧

小學功課量 同幼稚園又差一截

真係好怕 做功課會做到母子不和啊……


功課之後 就係煩學業

小學開學冇耐, 大概去到10月尾

就要面對人生的第一個測驗….

諗到呢度, 真係大大滴汗…..

或者,第一個仔啦…..

之前又未經歷過測驗考試….

又唔知測驗形式會係點,又唔知點同小朋友溫書, 又唔知溫乜嘢….

好多好多憂慮,突然湧上心頭…..

真係擔心到唔知講乜好…..

唉…….


講完阿哥, 講番細佬…..

因為接湊問題

我哋最後仲係決定要替細佬轉校…..

睇開我哋個BLOG嘅, 大概都知…..

細佬佢其實唔係人咁品架

佢返K1頭一個月….整整一個九月, 都冇講過一句說話

後來肯啦,但就不守規矩

去到K1下學期, 仲係經常唔聽指示,出位圍住課室跑的

查實 我心裏面覺得,真係未必間間學校都包容到咁樣嘅一個細佬架…..

我心裏面覺得,既然本身讀開嘅學校都咁包容

如果轉咗,新學校又包容唔到,咁點算好呢…..

另一樣擔心細佬嘅就係….

本身佢份人, 都係比較內向唔出聲嘅

總覺得佢其實未必咁易接受新環境

雖然暑假時已經不斷同佢講咗轉校嘅事

但係佢總係似懂非懂的模樣…..

的確讓我擔心不已…..



唔經唔覺

兩兄弟已經開咗學一個星期多啲啦

感恩,一切尚算唔錯

哥哥好快已經喺學校識到一兩位朋友啦!

至於功課方面呢, 頭一個星期功課量唔多,都係三樣左右

而且大多數都能夠喺功輔堂時完成

返到屋企只係輕輕改正番些小就OK了

至於細佬呢

真係覺得好感動呀

佢轉咗校之後 好鍾意返學

每日放學時,例必同老師講:我想玩多陣, 我未想返屋企住呀!

然後每日返到屋企,都會同我講返學好好玩!

真係冇諗過佢會適應得咁好架…..

而且,同老師傾過佢會出位坐唔定嘅問題

老師都好有耐心,好有愛心

我個心終於定番好多!

成日擔心阿仔呢樣,又擔心阿仔嗰樣

其實望番轉頭

我諗都係家長自己俾自己太大壓力了!

應該試下俾多小小信心阿仔

或者,佢哋自己handle到呢!!!!

對阿仔多啲信心,自己就小啲擔心

然後大家都唔需要太蹦緊!!!!

希望大家都能夠輕鬆面對小一啦  !

作者:80後媽咪遇上10後Baby

相關文章:

【80後媽咪】迪士尼一日遊

【80後媽咪】白石燒烤 x 夏日充氣水上樂園週末勁玩

 
 

熱門文章

【家居清潔】牆身發霉靠1支清潔用品KO 家庭主婦:噴完等30分鐘 新嘅一樣
08-05
珀麗灣現毒蹤 慈雲山增7人深水埗鴻裕大廈成疫廈
08-07
半癱考生邱梓霖 如願讀科大理學士
08-07
【莎倫媽媽】UNIQLO 盛夏祭 BB網紋底衫$13 七分褲$19
08-04
【勵志故事】柬埔寨「語言天才」男孩獲資助遠赴中國升學 憑懂15種語言改寫清貧命運
08-04

湖北男嬰臍帶繞頸6圈奇跡平安產下 醫生:行醫23年來首見
2020-08-07
【新冠肺炎】羅致光:至今12外傭違限聚令被罰款2000元
2020-08-07
【問題奶粉】內地奶粉驚現黑色物質證實含鐵砂 廠方:不會對人體造成傷害
2020-08-07
【社會暖聞】口罩斷繩不捨扔掉 基層伯伯用扣針修補 好心市民贈兩盒口罩:好心酸
2020-08-07
【新冠肺炎】政府推自願性全民檢測 盡快兩周後展開
2020-08-07
【生命鬥士】3歲癌童夢想當消防員 「出更」拯救啤啤熊 登上消防車圓夢
2020-08-07
查看更多   ▸