【Daidai & Pipi】海洋公園哈囉喂 小兒科鬼屋全面睇!

2016-09-20


原來海洋公園哈囉喂已經係第16年!嘩!咁鬼耐歷史!皮皮媽我由少女玩到做媽媽,都斷斷續續玩過好幾年架! 

以前海洋公園哈囉喂都係俾大人玩多,近呢2-3年多咗唔少小朋友都啱玩嘅玩意,實行一家大小在哈囉喂都可以愉快歡渡,少少驚多多Fun!唔知升咗小學的皮皮幾時會跟我去哈囉喂?今次先由皮媽以家長角度睇下有咩啱小朋友玩啦! 

 
 
 

最小兒科:古惑糖果村  

 

舊年都有嘅古惑糖果村,今年再度推出,實行「派糖」! 

 

只要在糖果村每站check point挑戰村民,玩下d簡單遊戲,就會有糖果或小禮物,小朋友見到實好開心!成筒萬果珠、珍寶珠仲有勁好味嘅TimTam, 入落你嘅哈囉喂糖果收集袋度,開心到笑騎騎! 

 
 

加上糖果村村民笑臉迎人,唔嚇小朋友,玩嘅遊戲簡單又開心,村民仲教你唸可愛咒語,拜見村長,逐級挑戰,大人都覺得好玩呀! 

 
 

幾經百戰,終於去到村長度啦!見到咁大箱好好味嘅TimTam,即刻心花怒放!跟住村長玩遊戲~ 

 

真係冇咩大人會咁齊心玩,小朋友嚟玩實哈哈大笑(≧∇≦)

 
 

最後滿載而歸!黎到哈囉喂記住黎古惑糖果村補給下,之後玩鬼屋嚇到暈都可以食粒糖果定驚(≧∇≦)

 
 
 

見到咁巨型嘅棉花糖鬼,係人都爭住合照!真是超級得意!

 
 

呢度係「捉鬼敢死隊學堂」,放心,冇鬼架!一D都唔驚嚇,驚喜就多蘿蘿,細路仔來到可以周圍玩周圍摸,瘋狂影相都冇問題! 

 
 

嚟到一定要試下背呢個捉鬼裝備,確實幾重下,要做捉鬼敢死隊隊員唔係咁easy~ 

 
 

嚟到博士的實驗室,可以玩下核突到痺嘅鬼口水,OMG!勁黐泅泅~ 小朋友應該唔怕呢d核突嘢(≧∇≦) 

 
 

之後落嚟仲驚喜!可以扮捉鬼敢死隊拎住支捉鬼槍去捉鬼! 

 
 

入到呢個超級熒嘅熒光迷陣,就好快快手對準目標開槍!計分架!努力! 

 
 

最後合格成為捉鬼敢死隊隊員,完成任務有禮物送返,至於係乜就賣個關子,包你滿意啦! 

 
 

有得玩又有禮物收真係超Happy!最最最驚喜棉花糖鬼周不時出現同你玩,係人都想攬住佢!

 

玩完「捉鬼敢死隊學堂」,仲有「捉鬼敢死隊Live!」,但Live!係真鬼屋,小朋友就未必玩到,堅恐怖(((o(*゚▽゚*)o))) 

 
 
 

如果小朋友膽量再勁D,可以在日間時間帶小嘩鬼來「照妖宮殿」,將日常捉小精靈嘅技巧發揮出嚟,變咗捉西遊記嘅妖精! 

 
 

只要Download海洋公園「猛鬼獵人」App,在「照妖宮殿」裏可以開住呢個App捉妖精,仲可以同鬼Selfie! 

 

每個關卡都不難發現 check point,有D仲係小朋友高度,就好似玩小精靈遊戲咁,見到check point就會見到妖精架! 

 
 

不過個App有少少反應遲鈍⋯要俾多2秒時間等等先有勁嘢睇⋯-_-#

 
 

BTW, 入嚟鬼屋點會淨係玩捉妖怪?呢度嘅鬼全都是西遊記角色,女角仲好靚女,唔係鬼樣黎架(≧∇≦) 

 
 
 

蜘蛛宮裏有得捉蜘蛛妖,Gotcha !

 
 

仲有孫悟空、白骨精、牛魔王和鐵扇公主,用「猛鬼獵人」App開天眼就可以同佢地一齊Selfie! 

 
 

不過過咗5:30pm,「照妖宮殿」就會變成「血祭宮殿」,恐怖十倍!記著留意時間入場呀!晚上的「血祭宮殿」陰森血腥,小朋友就唔適宜玩了⋯ 

 
 

如果想增加萬聖節氣氛和投入感,不妨畫花臉啦!臉部彩繪好受小朋友歡迎架! 

 
 

好可愛唷~

  

在場亦有小道具售賣~

  
 

南瓜臉妹妹好可愛,啱晒中意扮鬼扮馬嘅小朋友(≧∇≦)

  
 

哈囉喂的佈置很有氣氛,如果阿囝在佢實叫我影晒咁多隻南瓜公仔佈置架!唔怕鬼就周圍搵鬼影相啦!少少驚,多多Fun架!

 

哈囉喂期間海洋公園周不時都會有嘩鬼表演,跳舞雜技樣樣齊,有興趣就留意時間表,大家實睇到拍爛手掌! 

 
 

還有一系列捉鬼敢死隊精品售賣,好想帶隻棉花糖鬼返屋企呀! 

 
 

海洋公園哈囉喂全日祭2016

 

日期: 10月2日至 31日(9 月及10 月1 日的開放日子為企業包場活動)

 

公眾人士可於以下17個特選日子入場:2016年10月2、7-10、14- 16、20-23、27- 31日

 

開放時間: 早上10時至晚上11 時

 

*哈囉喂景點各有指定開放時間

 

票價: 海洋公園入場門票:成人港幣385 元;小童(3 至11 歲)港幣193 元

(只需持有一張入場門票,即可從早上到夜晚玩盡公園內的哈囉喂景點及節目)

 
 
 
 

延伸閱讀:

哈囉喂預告] 史上最恐怖鬼屋 16禁。羅蘭捉鬼唔扮鬼新造型黎啦! @ 海洋公園哈囉喂全日祭2016

http://daidaipipi.blogspot.hk/2016/08/2016.html

 

海洋公園「海洋快證」真。快趣!來享受夏天的尾巴~

http://daidaipipi.blogspot.hk/2016/09/blog-post.html

 
 
 
 
 
 
 
 

關於daidai & pipi
Daidai & pipi 的快樂魔法

 
 
 
 

Instagram:daidaipipi

熱門文章

紐西蘭100天無本土確診 民眾生活幾乎恢復正常 3大措施阻傳播
08-11
【好人好事】台灣7歲女童離世前愛吃薯條 連鎖快餐店破例早上即場炸+送玩具
08-10
【悲劇】11歲男童為展示男子氣慨挑釁棕熊 活遭棕熊拖入籠內攻擊致死
08-11
【育嬰工具】淘寶$76迷你仿真馬桶 輕鬆幫幼兒戒尿片 家長紛紛大讚好用
08-10
【育兒心聲】雖然出門不再光鮮亮麗 重心也不再是自己 但是我超滿足的
08-06