【梁雅琳】自製營養能量棒 小朋友都食得
2016-09-22
小朋友永遠都好似唔知飽咁，食完一餐轉頭又想食嘢（尤其喺零食）。我哋要為小朋友的營養把關，避免佢哋接觸「垃圾食物」，所以一有時間我都會整定啲小朋友的「energy bar 能量棒」。裏面我加入了不同的堅果，豐富當中的營養之餘，仲可以增加口感，令小朋友多練習嘴嚼，訓練佢哋的咀嚼肌。自製的能量棒可以自行控制甜度，咁就唔怕小朋友汲取過多熱量啦！
《營養能量棒》
材料：
杏仁 30克
腰果 30克
核桃 30克
即食燕麥片 80克
藜麥泡芙（可可味）15克
提子乾 15克
香蕉 1½根
花生醬 1湯匙
蜜糖 適量
做法：
1）杏仁、腰果和核桃放攪拌機內攪拌成較小體積
2）加入即食燕麥片、藜麥泡芙（可可味）、提子乾混合。
3）香蕉去皮，放碗內，用叉壓成泥，與花生醬和蜜糖混合均勻，倒入乾果中攪拌。
4）焗盤內鋪上牛油紙，倒入所有材料，放入已預熱至160度的焗爐內焗30分鐘，反轉焗15分鐘，完成。
小貼士：市面上有很多過度調味的堅果，購買時記得小心選購。